19Exodus 19

1Месяца же третияго изшествия сынов Израилевых от земли Египетския, в сий день приидоша в пустыню Синайскую:Select Exodus 19:1

2и воздвигошася от Рафидина и приидоша в пустыню Синайскую, и ополчися тамо Израиль прямо горы.Select Exodus 19:2

3Моисей же взыде на гору Божию, и воззва его Бог от горы глаголя: сия возглаголеши дому Иаковлю и повеси сыном Израилевым:Select Exodus 19:3

4сами видесте, елика сотворих Египтяном, и подях вас яко на крилех орлих и приведох вас к Себе:Select Exodus 19:4

5и ныне аще слухом послушаете гласа Моего и сохраните завет Мой, будете Ми людие избранни от всех язык: Моя бо есть вся земля:Select Exodus 19:5

6вы же будете Ми царское священие и язык свят: сия словеса да речеши сыном Израилевым.Select Exodus 19:6

7Прииде же Моисей и призва старцы людския и предложи им вся словеса сия, яже завеща им Бог.Select Exodus 19:7

8Отвещаша же вси людие единодушно и рекоша: вся, елика рече Бог, сотворим и послушаем. Донесе же Моисей словеса сия к Богу,Select Exodus 19:8

9и рече Господь к Моисею: се, Аз прииду к тебе в столпе облачне, да услышат людие глаголюща мя к тебе и да тебе веруют во веки. Поведа же Моисей словеса людий ко Господу.Select Exodus 19:9

10Рече же Господь Моисею: сошед засвидетелствуй людем и очисти я днесь и утре, и да исперут ризы,Select Exodus 19:10

11и да будут готовы в день третий: в третий бо день снидет Господь на гору Синайскую пред всеми людьми:Select Exodus 19:11

12и устроиши люди окрест глаголя: внемлите себе не восходити на гору и ни чимже коснутися ея: всяк прикоснувыйся горе смертию умрет:Select Exodus 19:12

13не коснется ей рука, камением бо побиется или стрелою устрелится, аще скот, аще человек, не будет жив: егда же гласи и трубы и облак отидет от горы, сии взыдут на гору.Select Exodus 19:13

14Сниде же Моисей с горы к людем, и освяти я, и испраша ризы своя:Select Exodus 19:14

15и рече людем: будите готови, три дни не входите к женам.Select Exodus 19:15

16Бысть же в третий день бывшу ко утру, и быша гласи и молния и облак мрачен на горе Синайстей, глас трубный глашаше зело: и убояшася вси людие, иже в полце:Select Exodus 19:16

17изведе же Моисей люди во сретение Богу из полка, и сташа под горою.Select Exodus 19:17

18Гора же Синайская дымяшеся вся, схождения ради Божия на ню во огни, и восхождаше дым, яко дым пещный: и ужасошася вси людие зело.Select Exodus 19:18

19Быша же гласи трубнии происходяще крепцы зело: Моисей глаголаше, Бог же отвещаваше ему гласом.Select Exodus 19:19

20Сниде же Господь на гору Синайскую на верх горы, и воззва Господь Моисеа на верх горы, и взыде Моисей:Select Exodus 19:20

21и рече Бог к нему глаголя: сошед засвидетелствуй людем, да не когда приступят к Богу уразумети, и падут от них мнози:Select Exodus 19:21

22жерцы же приступающии ко Господу Богу да освятятся, да не когда погубит от них Господь.Select Exodus 19:22

23И рече Моисей к Богу: не возмогут людие взыти на гору Синайскую: Ты бо завещал еси нам глаголя: определи гору и освяти ю.Select Exodus 19:23

24И рече ему Господь: иди, сниди и взыди ты и Аарон с тобою: жерцы же и людие да не нудятся взыти к Богу, да не когда погубит от них Господь.Select Exodus 19:24

25Сниде же Моисей к людем и поведа им.Select Exodus 19:25