2Exodus 2

1Бяше же некто от племене Левиина, иже поя от дщерей Левииных, и имяше ю:Select Exodus 2:1

2и зача во чреве и роди мужеский пол. Видевше же его лепа, крыша его три месяцы:Select Exodus 2:2

3и понеже не можаху его ктому крыти, взя ему мати его ковчежец ситовый и помаза и клеем и смолою, и вложи отроча в него, и положи его в лучице при реце:Select Exodus 2:3

4и наблюдаше сестра его издалеча, да уведает, что будет ему.Select Exodus 2:4

5Сниде же дщерь фараонова измытися на реку, и рабыни ея прохождаху при реце. И видевши ковчежец в лучице, пославши рабыню, взя и.Select Exodus 2:5

6Отверзши же, видит отроча плачущееся в ковчежце, и пощаде е дщерь фараоня, и рече: от детей Еврейских сие.Select Exodus 2:6

7И рече сестра его дщери фараонове: хощеши ли, призову ти жену кормилицу от Еврей, и воздоит ти отроча?Select Exodus 2:7

8И рече ей дщерь фараонова: иди. Шедши же отроковица, призва матерь отрочате.Select Exodus 2:8

9Рече же к ней дщерь фараонова: соблюди ми отроча сие и воздой ми е: аз же дам ти мзду. Взя же отроча жена и дояше е.Select Exodus 2:9

10Возмужавшу же отрочати, введе е ко дщери фараонове, и бысть ей в сына, и нарече имя ему Моисей, глаголющи: от воды взях его.Select Exodus 2:10

11Бысть же во дни многия оны, велик быв Моисей, изыде к братиям своим, сыном Израилевым. Разумев же болезнь их, виде человека Египтянина биюща некоего Евреанина от братии его сынов Израилевых.Select Exodus 2:11

12Обозревся же семо и овамо, ни когоже виде: и поразив Египтянина, скры его в песце.Select Exodus 2:12

13Изшед же во вторый день, виде два мужа Евреанина биющася и глагола обидящему: чесо ради ты биеши искренняго?Select Exodus 2:13

14Он же рече: кто тя постави князя и судию над нами? Еда убити мя ты хощеши, имже образом убил еси вчера Египтянина? Убояся же Моисей и рече: аще сице явлен бысть глагол сей?Select Exodus 2:14

15Услыша же фараон глагол сей и искаше убити Моисеа. Отиде же Моисей от лица фараонова и вселися в земли Мадиамстей: пришед же в землю Мадиамскую седе при кладязе.Select Exodus 2:15

16Священнику же Мадиамскому беша седмь дщерей, пасущих овцы отца своего Иофора: пришедшя же черпаху, дондеже наполниша корыта, напоити овцы отца своего Иофора.Select Exodus 2:16

17Пришедше же пастырие изгнаша я. Востав же Моисей избави их, и налия им и напои овцы их.Select Exodus 2:17

18Приидоша же к Рагуилу отцу своему. Он же рече им: что яко ускористе приити днесь?Select Exodus 2:18

19Оныя же рекоша: человек Египтянин избави нас от пастырей, и начерпа нам и напои овцы нашя.Select Exodus 2:19

20Он же рече дщерем своим: и где есть? И вскую сице остависте человека? Призовите убо его, да яст хлеб.Select Exodus 2:20

21Вселися же Моисей у человека: и даде Сепфору дщерь свою Моисею в жену.Select Exodus 2:21

22Во чреве же заченши жена роди сына, и нарече Моисей имя ему Гирсам, глаголя: яко пришлец есмь в земли чуждей. Еще же заченши роди сына втораго, и нарече имя ему Елиезер, глаголя: Бог бо отца моего помощник мой и избави мя из руки фараоновы.Select Exodus 2:22

23По днех же многих тех, умре царь Египетский, и возстенаша сынове Израилевы от дел и возопиша, и взыде вопль их к Богу от дел.Select Exodus 2:23

24И услыша Бог стенание их: и помяну Бог завет Свой иже ко Аврааму и Исааку и Иакову,Select Exodus 2:24

25и призре Бог на сыны Израилевы, и познан бысть ими.Select Exodus 2:25