20Exodus 20

1И глагола Господь вся словеса сия к Моисею глаголя:Select Exodus 20:1

2Аз есмь Господь Бог твой, изведый тя от земли Египетския, от дому работы:Select Exodus 20:2

3да не будут тебе бози инии разве Мене.Select Exodus 20:3

4Не сотвори себе кумира и всякаго подобия, елика на небеси горе и елика на земли низу, и елика в водах под землею:Select Exodus 20:4

5да не поклонишися им, ни послужиши им: Аз бо есмь Господь Бог твой, Бог ревнитель, отдаяй грехи отец на чада до третияго и четвертаго рода ненавидящым Мене,Select Exodus 20:5

6и творяй милость в тысящах любящым Мя и хранящым повеления Моя.Select Exodus 20:6

7Не возмеши имене Господа Бога твоего всуе: не очистит бо Господь приемлющяго имя Его всуе.Select Exodus 20:7

8Помни день субботный, еже святити его:Select Exodus 20:8

9шесть дний делай и сотвориши (в них) вся дела твоя:Select Exodus 20:9

10в день же седмый, суббота Господу Богу твоему: да не сотвориши всякаго дела в онь ты и сын твой и дщерь твоя, и раб твой и раба твоя, и вол твой и осля твое и всякий скот твой, и пришлец обитаяй у тебе:Select Exodus 20:10

11зане в шести днех сотвори Господь небо и землю, море и вся яже в них, и почи в день седмый: сего ради благослови Господь день седмый и освяти его.Select Exodus 20:11

12Чти отца твоего и матерь твою, да благо ти будет и да долголетен будеши на земли блазе, юже Господь Бог твой дает тебе.Select Exodus 20:12

13Не убий.Select Exodus 20:13

14Не прелюбы сотвори.Select Exodus 20:14

15Не укради.Select Exodus 20:15

16Не послушествуй на друга своего свидетелства ложна.Select Exodus 20:16

17Не пожелай жены искренняго твоего, не пожелай дому ближняго твоего, ни села его, ни раба его, ни рабыни его, ни вола его, ни осла его, ни всякаго скота его, ни всего, елика суть ближняго твоего.Select Exodus 20:17

18И вси людие зряху глас и свещы, и глас трубный и гору дымящуюся: и убоявшеся вси людие сташа издалече,Select Exodus 20:18

19и рекоша Моисею: глаголи ты с нами, и да не глаголет к нам Бог, да не когда умрем.Select Exodus 20:19

20Рече же им Моисей: дерзайте: искушения бо ради прииде Бог к вам, яко да будет страх Его в вас, да не согрешаете.Select Exodus 20:20

21Стояху же вси людие издалече: Моисей же вниде во мрак, идеже бяше Бог.Select Exodus 20:21

22Рече же Господь к Моисею: сия речеши дому Иаковлю и возвестиши сыном Израилевым: вы видесте, яко с небесе глаголах к вам:Select Exodus 20:22

23не сотворите себе сами богов сребряных и богов златых не сотворите самым себе:Select Exodus 20:23

24олтарь из земли сотворите Ми и пожрете на нем всесожжения ваша и спасителная ваша, и овцы и телцы вашя, на всяком месте, идеже нареку имя Мое тамо, и прииду к тебе и благословлю тя:Select Exodus 20:24

25аще же олтарь от камений сотвориши Ми, да не устроиши их тесаных: сечиво бо твое аще возложиши на них, то осквернятся:Select Exodus 20:25

26да не взыдеши по степенем ко олтарю Моему, яко да не открыеши срамоты твоея на нем.Select Exodus 20:26