21Exodus 21

1И сия оправдания, яже да положиши пред ними:Select Exodus 21:1

2аще стяжеши раба Евреина, шесть лет да поработает тебе, в седмое же лето отпустиши его свободна туне:Select Exodus 21:2

3аще сам един внидет, то един и изыдет: аще же жена внидет с ним, то и жена отидет с ним:Select Exodus 21:3

4аще же господин даст ему жену, и родит ему сыны или дщери, жена и дети да будут господину его, сам же един да отидет.Select Exodus 21:4

5Аще же отвещав раб речет: возлюбих господина моего и жену мою и дети моя, не отхожду свободен:Select Exodus 21:5

6да приведет его господин его пред судище Божие, и тогда приведет его пред двери на праг, и да провертит ему ухо господин его шилом, и да поработает ему во веки.Select Exodus 21:6

7Аще же кто продаст свою дщерь в рабыню, да не отидет, якоже отходят рабыни:Select Exodus 21:7

8аще не угодит пред очима господина своего, юже он взяти в жену обеща, да отпустит ю: языку же чуждему господин да не продаст ея, понеже отверже ю:Select Exodus 21:8

9аще же сыну своему обещал ю, по обыкновению дщерей да сотворит ей:Select Exodus 21:9

10аще же другую поймет себе, потребных и одежд и союбщения ея да не лишит:Select Exodus 21:10

11аще же сих трех не сотворит ей, да отидет без сребра туне.Select Exodus 21:11

12И аще кого кто ударит, и умрет, смертию да умрет (и той):Select Exodus 21:12

13аще же не хотя, но Бог предаде в руце его, дам тебе место, в неже убежит тамо убивый:Select Exodus 21:13

14аще же кто приложит убити ближняго своего лестию и прибегнет ко олтарю, от олтаря Моего да возмеши того умертвити.Select Exodus 21:14

15Иже биет отца своего или матерь свою, смертию да умрет.Select Exodus 21:15

16Иже злословит отца своего или матерь свою, смертию да умрет.Select Exodus 21:16

17Аще кто кого украдет от сынов Израилевых, и соодолев сему продаст его, и обрящется у него, смертию да скончается.Select Exodus 21:17

18Аще же сварятся два мужа, и ударит един другаго каменем или пястию, и не умрет, но сляжет на одре:Select Exodus 21:18

19аще востав человек походит вне о жезле, неповинен будет ударивый его: точию за неделание его да даст цену и на цельбу.Select Exodus 21:19

20Аще же кто ударит раба своего или рабу свою жезлом, и умрет от руки его, судом да отмстится:Select Exodus 21:20

21аще же преживет день един или два, да не мстится: сребро бо его есть.Select Exodus 21:21

22Аще же биются два мужа, и поразят жену непраздну, и изыдет младенец ея неизображен, тщетою да отщетится: якоже наложит муж жены тоя, подобающее да отдаст:Select Exodus 21:22

23аще же изображен будет, да даст душу за душу,Select Exodus 21:23

24око за око, зуб за зуб, руку за руку, ногу за ногу,Select Exodus 21:24

25жжение за жжение, язву за язву, вред за вред.Select Exodus 21:25

26Аще же кто исткнет око рабу своему или око рабыни своей и ослепит, свободны да отпустит я за око их:Select Exodus 21:26

27аще же зуб рабу своему или зуб рабе своей избиет, свободны да отпустит я за зуб их.Select Exodus 21:27

28Аще же вол убодет мужа или жену, и умрет, камением да побиется вол той, и да не снедят мяса его, господин же вола неповинен будет:Select Exodus 21:28

29аще же вол бодлив будет прежде вчерашняго и третияго дне, и возвестят господину его, и не заключит его, и убиет мужа или жену: вол камением да побиется, и господин его купно да умрет:Select Exodus 21:29

30аще же окуп наложится ему, да даст окуп за душу свою, елико наложат ему:Select Exodus 21:30

31аще же сына или дщерь убодет, по сему же суду да сотворят ему:Select Exodus 21:31

32аще же раба или рабу убодет вол, сребра тридесять дидрахм да даст господину их, и вол камением да побиется.Select Exodus 21:32

33Аще же кто отверзет яму или ископает яму и не покрыет ея, и впадется в ню телец или осля,Select Exodus 21:33

34господин ямы отдаст (цену), сребро даст господину их: умершее же ему да будет.Select Exodus 21:34

35Аще же чий вол убодет вола ближняго, и умрет, да продадут вола живаго, и да разделят цену его, и вола умершаго да разделят:Select Exodus 21:35

36аще же знаемь есть вол, яко бодлив есть прежде вчерашняго и третияго дне, и глаголаша господину его, и той не заключит его: да отдаст вола за вола, мертвый же ему да будет.Select Exodus 21:36