25Exodus 25

1И рече Господь к Моисею, глаголя:Select Exodus 25:1

2рцы сыном Израилевым, и да возмут Ми начатки от всех, яже угодна будут сердцу их, да возмете начатки Моя.Select Exodus 25:2

3Сей же есть начаток, егоже возмете от них: злато и сребро и медь,Select Exodus 25:3

4и синету и багряницу, и червленицу сугубу (пряденую), и виссон сканый, и власы козия,Select Exodus 25:4

5и кожы овни очервленены, и кожы сини, и древа негниющая,Select Exodus 25:5

6и елей в свещение, фимиам во елей помазания и в сложение фимиама,Select Exodus 25:6

7и камени Сардийския, и камени в ваяние на епомиду и подир.Select Exodus 25:7

8И да сотвориши Ми освящение, и явлюся в вас:Select Exodus 25:8

9и сотвориши ми по всему, елика Аз покажу тебе на горе, образ скинии и образ всех сосудов ея: сице да сотвориши.Select Exodus 25:9

10И сотвориши кивот свидения от древ негниющих, двою лактий и пол в долготу, и лактя и пол в широту, и лактя и пол в высоту:Select Exodus 25:10

11и позлатиши его златом чистым, внутрьуду и внеуду позлатиши его, и сотвориши верху его венец злат витый окрест:Select Exodus 25:11

12и слиеши ему четыри колца злата, и возложиши на четыри страны его, два колца на едину страну, и два на другую страну.Select Exodus 25:12

13Сотвориши же носила от древа негниюща и позлатиши я златом чистым:Select Exodus 25:13

14и вложиши носила в колца, яже на странах кивота, носити ими кивот:Select Exodus 25:14

15в колцах кивота да будут носила не зыблющеся:Select Exodus 25:15

16и вложиши в кивот свидения, яже дам тебе.Select Exodus 25:16

17И да сотвориши очистилище покров от злата чиста, двою лактий и пол в долготу, лактя же и пол в широту:Select Exodus 25:17

18и сотвориши два херувима злата изваянна, и возложиши я от обоих стран очистилища:Select Exodus 25:18

19да сотворятся херувими, един от страны сея и другий от страны другия очистилища, и сотвориши два херувима на обоих странах:Select Exodus 25:19

20да будут херувими распростирающе крила верху, соосеняюще крилами своими над очистилищем, и лица их ко другъдругу, на очистилище будут лица херувимска:Select Exodus 25:20

21и да возложиши очистилище на кивот верху, и в кивот да вложиши свидения, яже дам тебе.Select Exodus 25:21

22И познан буду тебе оттуду, и возглаголю тебе с верху очистилища между двема херувимы, иже суть над кивотом свидения, и по всем, елика аще заповем тебе к сыном Израилевым.Select Exodus 25:22

23И сотвориши трапезу от древ негниющих, двою лактий в долготу, и лактя в широту, и лактя и пол в высоту:Select Exodus 25:23

24и позлатиши ю златом чистым, и сотвориши ей витое обложение златое окрест, и сотвориши ей венец длани окрест,Select Exodus 25:24

25и сотвориши витое обложение венцу окрест.Select Exodus 25:25

26И сотвориши четыри колца злата, и возложиши четыри колца на четыри страны ног ея под венец:Select Exodus 25:26

27и да будут колца на влагалища носилам, яко воздвизати ими трапезу.Select Exodus 25:27

28И сотвориши носила ея от древ негниющих, и позлатиши я златом чистым, и воздвизатися будет на них трапеза.Select Exodus 25:28

29И сотвориши блюда ея и фимиамники, и возливалники и чашы, имиже возливати будеши: от злата чиста да сотвориши я.Select Exodus 25:29

30И возлагати будеши на трапезу хлебы предложения предо Мною присно.Select Exodus 25:30

31И да сотвориши светилник от злата чиста, изваян да сотвориши светилник: стебль его и ветви, и чашы и крузи и крины от него да будут:Select Exodus 25:31

32шесть же ветвий исходящих от стран, три ветви светилника от страны его единыя и три ветви светилника от страны вторыя:Select Exodus 25:32

33и три чашы во образ ореха, на единей ветви круг и крин: тако шести ветвам исходящым от светилника:Select Exodus 25:33

34и на светилнике четыри чашы во образ ореха, на единей ветви крузи и крины его:Select Exodus 25:34

35круг под двема ветвми от него, и круг под четырми ветвми от него: тако шести ветвам исходящым от светилника: и на светилнике четыри чашы во образ ореха:Select Exodus 25:35

36крузи и ветви от него да будут: весь изваян от единаго злата чиста.Select Exodus 25:36

37И да сотвориши светил его седмь, и поставиши светила его, и светити будут от единаго лица его:Select Exodus 25:37

38и щипцы его, и подставы его от злата чиста сотвориши:Select Exodus 25:38

39талантом злата чиста да сотвориши вся сосуды сия.Select Exodus 25:39

40Виждь, да сотвориши по образу показанному тебе на горе.Select Exodus 25:40