27Exodus 27

1И да сотвориши олтарь от древ негниющих, пяти лакот в долготу и пяти лакот в широту: четвероуголен да будет олтарь, и трех лактий высота его.Select Exodus 27:1

2И да сотвориши роги на четырех углех: из него да будут роги, и покрыеши я медию.Select Exodus 27:2

3И да сотвориши венец олтарю: и покров его, и фиалы его, и вилицы его, и кадилник его, и вся сосуды его да сотвориши медяны.Select Exodus 27:3

4И да сотвориши ему огнище на подобие мрежи медяно: и сотвориши огнищу четыри колца медяна на четыри страны,Select Exodus 27:4

5и подложиши я под огнище олтаря снизу, и будет огнище до среды олтаря.Select Exodus 27:5

6И да сотвориши олтарю носила от древес негниющих, и окуеши я медию,Select Exodus 27:6

7и вложиши носила в колца: и да будут носила олтарю по бокам, еже подимати его.Select Exodus 27:7

8Тощь, дощатый сотвориши его: по показанному тебе на горе, тако сотвориши его.Select Exodus 27:8

9И да сотвориши двор скинии: на стране, яже к югу, завесы двора из виссона сканаго: долгота сто лакот стране единей:Select Exodus 27:9

10и столпы их двадесять, и стояла их двадесять медяна, и крючки их, и верхи их сребряны.Select Exodus 27:10

11Такожде на стране, яже к северу, завесы сто лакот в долготу, и столпы их двадесять, и стояла их двадесять медяна, и крючки их, и верхи столпов, и стояла их посребрена сребром.Select Exodus 27:11

12Широта же двора, яже к морю, опоны пятьдесят лакот: столпы их десять, и стояла их десять.Select Exodus 27:12

13И широта двора, яже к востоку, завесы пятьдесят лактий: столпы их десять, и стояла их десять.Select Exodus 27:13

14И пятьнадесять лакот высота опон стране единей: столпы их три, и стояла их три:Select Exodus 27:14

15и стране вторей опон пятьнадесять лакот высота: столпы их три, и стояла их три.Select Exodus 27:15

16И вратам двора завеса двадесять лакот в высоту, от синеты и багряницы, и червленицы сканыя и виссона сканаго пестрением швенным: столпы их четыри, и стояла их четыри.Select Exodus 27:16

17Вси столпы двора окрест окованы сребром, и верхи их сребряны, и стояла их медяна.Select Exodus 27:17

18Долгота же двора сто на сто, и широта пятьдесят на пятьдесят, и высота пяти лактий от виссона сканаго: и стояла их медяна.Select Exodus 27:18

19И все устроение, и вся орудия, и гвозди двора медяны.Select Exodus 27:19

20И ты заповеждь сыном Израилевым, и да возмут тебе елей от масличия без дрождей чист изжат в светение, да горит светилник всегда.Select Exodus 27:20

21В скинии свидения вне завесы, яже над заветом, возжигати будет его Аарон и сынове его, от вечера даже до утра, пред Господем, законно вечно в роды вашя от сынов Израилевых.Select Exodus 27:21