28Exodus 28

1И ты приведи к себе Аарона, брата твоего, и сыны его от сынов Израилевых, да священнодействуют Мне Аарон и Надав, и Авиуд и Елеазар и Ифамар, сынове Аарони.Select Exodus 28:1

2И да сотвориши ризу святу Аарону брату твоему в честь и славу.Select Exodus 28:2

3И ты возглаголи ко всем премудрым умом, ихже наполних духа мудрости и смышления: и да сотворят ризу святу Аарону, в нейже имать священнодействовати Мне во святилищи.Select Exodus 28:3

4И сия суть ризы, ихже сотворят: наперсник и ризу верхнюю, и долгую ризу и ризу тресновиту, и наглавие и пояс: и да сотворят ризы святы Аарону и сыном его, во еже священнодействовати Мне.Select Exodus 28:4

5И сии да возмут злато и синету, и багряницу и червленицу и виссон,Select Exodus 28:5

6и да сотворят ризу верхнюю от виссона сканаго, дело тканно пестрящаго.Select Exodus 28:6

7Две ризы верхния да будут ему придержащяся едина друзей, на обе стране связаныя.Select Exodus 28:7

8И ткание риз верхних, еже есть на них, по сотворению их да будет от злата чиста и синеты, и багряницы и червленицы пряденыя и виссона сканаго.Select Exodus 28:8

9И возмеши два каменя, камене смарагда, и изваяеши на них имена сынов Израилевых:Select Exodus 28:9

10шесть имен на камени единем и шесть имен прочиих на камени друзем по родом их,Select Exodus 28:10

11дело каменныя хитрости: ваянием печати изваяеши оба каменя имены сынов Израилевых.Select Exodus 28:11

12И положиши оба каменя на раменах верхния ризы: камени в память суть сыном Израилевым: и воздвигнет Аарон имена сынов Израилевых пред Господем на оба рамена своя в память о них.Select Exodus 28:12

13И да сотвориши щитцы от злата чиста,Select Exodus 28:13

14и да сотвориши две тресновицы от злата чиста, смешены цветами, дело плетения: и возложиши тресновицы сплетеныя на щитцы по нарамником их сопреди.Select Exodus 28:14

15И да сотвориши слово судное, дело пестрящаго: по составу ризы верхния да сотвориши сие от злата и синеты, и багряницы и червленицы пряденыя и виссона сканаго:Select Exodus 28:15

16сотвориши е четвероуголно: да будет сугубо, пяди долгота его и пяди широта,Select Exodus 28:16

17и нашиеши на нем швение каменное в четыри ряда. Ряд камений да будет: сардий, топазий и смарагд, ряд един:Select Exodus 28:17

18и ряд вторый, анфракс и сапфир и иаспис:Select Exodus 28:18

19и ряд третий, лигирий и ахат и амефист:Select Exodus 28:19

20и ряд четвертый, хрисолиф и вириллий и онихий: объяты златом, исплетены в злате да будут по ряду своему.Select Exodus 28:20

21И камение да будут от имен двунадесяти сынов Израилевых пред Господем: на дву раменах его дванадесять по именам их и по родом их, изваяни печатми, коегождо по имени да будут в дванадесять племен.Select Exodus 28:21

22И да сотвориши на слове тресны сплетены, делом верижным, от злата чиста.Select Exodus 28:22

23И да сотвориши на словеси два колца злата: и возложиши два колца злата на оба края словесе.Select Exodus 28:23

24И возложиши тресны и чепи златы на два колца от обоих краев словесе.Select Exodus 28:24

25И два края двух тресн наложиши на две чепочки, и возложиши на рамена верхних риз лицем ко другъдругу.Select Exodus 28:25

26И сотвориши два колца злата, и возложиши на обе страны словесе на край от края задняго верхних риз, отвнутрь.Select Exodus 28:26

27И сотвориши два колца злата, и возложиши на оба рамена верхния ризы снизу его, лицем по согбению свыше соткания верхних риз.Select Exodus 28:27

28И стягнеши слово колцами, яже на нем, с колцами верхних риз сложеными, из синеты плетеными во ткание верхних риз, да не низпускается слово с верхних риз.Select Exodus 28:28

29И да возмет Аарон имена сынов Израилевых на слове суднем на персех, входящь во святое на память пред Богом. И да положиши на словеси суднем тресны: плетения на оба края словесе возложиши, и оба щита возложиши на обе раме нарамника на лице.Select Exodus 28:29

30И да возложиши на слово судное явление и истину: и да будет на персех Аарону, егда внидет в святое пред Господа: и да носит Аарон суды сынов Израилевых на персех пред Господем всегда.Select Exodus 28:30

31И да сотвориши ризу внутреннюю подир всю синю.Select Exodus 28:31

32И да будет устие посреде его, ожерелие имущо кругом устия делом тканым, сгиб сошвен от него, да не раздерется.Select Exodus 28:32

33И да сотвориши на омете ризнем снизу, аки шипка цветущаго, пугвицы из синеты и багряницы, и червленицы пряденыя и виссона сканаго, на омете ризы кругом: в тойже образ пугвицы златы, и звонцы между сими окрест.Select Exodus 28:33

34При пугвице злат звонец, и цвет на омете ризнем, кругом.Select Exodus 28:34

35И да будет Аарону, егда служит, слышан глас его, входящу во святое пред Господа, и исходящу, да не умрет.Select Exodus 28:35

36И да сотвориши дщицу злату чисту: и изобразиши на ней образ печати, Святыня Господня,Select Exodus 28:36

37и да возложиши ю на синету сканую, и да будет на увясле, спреди увясла да будет,Select Exodus 28:37

38и да будет на челе Аарони: и отимет Аарон согрешения святых, елика освятят сынове Израилевы от всякаго даяния святых своих, и да будет на челе Аарони всегда приято ими пред Господем.Select Exodus 28:38

39И тресны риз от виссона: и сотвориши клобук виссонный, и пояс да сотвориши дело пестрящаго.Select Exodus 28:39

40И сыном Аароновым да сотвориши ризы и поясы, и клобуки да сотвориши им в честь и славу:Select Exodus 28:40

41и облечеши в ня Аарона брата твоего и сыны его с ним, и да помажеши их, и исполниши руце их и освятиши их, да Ми священнодействуют.Select Exodus 28:41

42И да сотвориши им надраги льняны покрывати стыдения плоти их, от бедр даже до стегн будут,Select Exodus 28:42

43и да имать Аарон и сынове его, егда входят в скинию свидения, или егда приходят служити к жертвеннику святыни: и да не наведут на ся греха, да не умрут: законное вечное (да будет) ему и семени его по нем.Select Exodus 28:43