30Exodus 30

1И да сотвориши олтарь кадилный от древ негниющих:Select Exodus 30:1

2и сотвориши и лактя в долготу и лактя в широту, четвероуголен да будет, и двою лактий в высоту: от него да будут роги его.Select Exodus 30:2

3И позлатиши златом чистым огнище его, и стены его около, и роги его: и да сотвориши ему витый венец злат около.Select Exodus 30:3

4И два колца злата чиста да сотвориши под витым венцем его на обою углу, да сотвориши на обоих странах: и будут колца носилам, якоже подимати оный ими.Select Exodus 30:4

5И да сотвориши носила от древес негниющих, и позлатиши я златом:Select Exodus 30:5

6и да положиши его прямо завесы, сущия у кивота свидения, в нихже познан буду тебе оттуду.Select Exodus 30:6

7И да кадит над ним Аарон фимиамом сложеным благовонным рано рано: егда устрояет светила, да кадит над ним:Select Exodus 30:7

8и егда вжигает Аарон светила с вечера, да кадит над ним: фимиам всегдашний присно пред Господем в роды их:Select Exodus 30:8

9и да не принесеши над него фимиама инаго: приношения, жертвы и возлияния да не пролиеши на него.Select Exodus 30:9

10И да очистит над ним Аарон у рогов его единою в лето: от крове очищения грехов умилостивления единою в лето да очистит его в роды их: святое святых есть Господу.Select Exodus 30:10

11И рече Господь к Моисею, глаголя:Select Exodus 30:11

12аще возмеши исчисление сынов Израилевых в пресмотрении их, и дадят кийждо искупление за душу свою Господу, и не будет в них падения в пресмотрении их.Select Exodus 30:12

13И сие есть, еже дадят, елицы аще приступят в пресмотрение, полдидрахмы, еже есть по дидрахме святей: двадесять цат дидрахма: пол же дидрахмы, дань Господу.Select Exodus 30:13

14Всяк входяй в пресмотрение от двадесяти лет и вышше, да дадут дань Господу:Select Exodus 30:14

15богатый да не приложит, и нищий да не умалит от полудидрахмы, егда дают дань Господу (от сынов Израилевых), еже умоляти о душах ваших.Select Exodus 30:15

16И да возмеши сребро дани от сынов Израилевых, и даси е на соделание скинии свидения: и да будет сыном Израилевым память пред Господем, еже умоляти о душах ваших.Select Exodus 30:16

17И рече Господь Моисею, глаголя:Select Exodus 30:17

18сотвори умывалницу медяну и стояло ей медяно, еже умыватися, и да поставиши ю между скиниею свидения и между олтарем, и да влиеши в ню воду:Select Exodus 30:18

19и да умывает Аарон и сынове его из нея руки своя и ноги водою:Select Exodus 30:19

20егда входят в скинию свидения, да омыются водою, и не умрут: или егда приходят ко олтарю служити и приносити всесожжения Господу,Select Exodus 30:20

21умыют руце и нозе водою, егда входят в скинию свидения, да не умрут, и да будет им законно вечно, ему и родом его по нем.Select Exodus 30:21

22И рече Господь к Моисею, глаголя:Select Exodus 30:22

23и ты возми ароматы, цвет смирны избранныя пять сот сиклев, и киннамома благовонна пол сего, двести пятьдесят, и трости благовонныя двести пятьдесят,Select Exodus 30:23

24и касии пять сот сиклев святаго, и елеа от маслин (меру) ин,Select Exodus 30:24

25и сотвориши сей елей помазание святое, миро помазателное художеством мироварца: елей помазание святое будет,Select Exodus 30:25

26и да помажеши от него скинию свидения, и кивот скинии свидения,Select Exodus 30:26

27и вся сосуды ея, и светилник и вся сосуды его, и олтарь кадилный,Select Exodus 30:27

28и олтарь всесожжения и вся его сосуды, и трапезу и вся ея сосуды, и умывалницу и стояло ея,Select Exodus 30:28

29и освятиши я, и будут святая святых: всяк прикасаяйся им освятится:Select Exodus 30:29

30и Аарона и сыны его помажеши, и освятиши я священнодействовати Мне:Select Exodus 30:30

31и сыном Израилевым да речеши, глаголя: елей масть помазания свят да будет сей вам в роды вашя:Select Exodus 30:31

32плоть человеча да не помажется (им), и по сложению сему да не сотворите сами себе иного сице: свят есть и освящение будет вам:Select Exodus 30:32

33иже аще сотворит сице, и иже аще даст от него иноплеменнику, потребится от людий своих.Select Exodus 30:33

34И рече Господь к Моисею: возми себе ароматы, стакти, ониха и халвана благовонна и ливана чистаго: все то в равну меру да будет:Select Exodus 30:34

35и да сотворят в нем фимиам мироварный, дело мироварца смешеное, чисто, дело сто:Select Exodus 30:35

36и раздробиши от сих по тонку, и положиши прямо свидению в скинии свидения, отюнудуже познан буду тебе тамо: святое святых будет вам фимиам:Select Exodus 30:36

37по сложению сему да не сотворите себе сами, освящение будет вам от Господа:Select Exodus 30:37

38иже аще сотворит сице, еже обоняти от него, погибнет душа того от людий своих.Select Exodus 30:38