31Exodus 31

1И рече Господь к Моисею, глаголя:Select Exodus 31:1

2се, нарекох именем Веселеила сына Урии, сына Орова, от племене Иудина,Select Exodus 31:2

3и наполних его Духом Божиим премудрости и смышления и ведения, во всяком деле разуметиSelect Exodus 31:3

4и архитектонствовати, делати злато и сребро и медь, и синету и багряницу, и червленицу прядену и виссон сканый,Select Exodus 31:4

5и каменное дело, и различная древоделства делати во всех делех:Select Exodus 31:5

6и Аз дах его и Елиава сына Ахисамахова от племене Данова, и всякому смысленному сердцем дах смысл, и потрудятся, и сотворят вся, елика заповедах тебе:Select Exodus 31:6

7скинию свидения и кивот завета, и очистилище еже верху его, и утварь скинии,Select Exodus 31:7

8и жертвенники, и трапезу и вся сосуды ея, и светилник чистый и вся сосуды его,Select Exodus 31:8

9и умывалницу и стояло ея,Select Exodus 31:9

10и ризы служебныя Аароновы и ризы сынов его, еже священнодействовати Мне,Select Exodus 31:10

11и елей помазания, и фимиам сложения святаго: по всем, елика заповедах тебе, сотворят.Select Exodus 31:11

12И рече Господь к Моисею, глаголя:Select Exodus 31:12

13и ты заповеждь сыном Израилевым, глаголя: смотрите и субботы Моя сохраните: есть бо знамение между Мною и вами в роды вашя, да увесте, яко Аз Господь освящаяй вас:Select Exodus 31:13

14и сохраните субботу, яко свята сия есть Господу и вам: осквернивый ю смертию умрет: всяк, иже сотворит в ню дело, потребится душа та от среды людий своих:Select Exodus 31:14

15шесть дний да сотвориши дела, в день же седмый суббота, покой свят Господу: всяк, иже сотворит дело в седмый день, смертию умрет:Select Exodus 31:15

16и да сохранят сынове Израилевы субботы держати я в роды их:Select Exodus 31:16

17завет вечен во Мне и в сынех Израилевых, знамение есть во мне вечное: яко в шести днех сотвори Господь небо и землю, в седмый же день преста, и почи.Select Exodus 31:17

18И даде (Бог) Моисею, егда преста глаголя ему на горе Синайстей, две скрижали свидения, скрижали каменны написаны перстом Божиим.Select Exodus 31:18