35Exodus 35

1И собра Моисей весь сонм сынов Израилевых и рече к ним: сия словеса, яже глагола Господь творити я:Select Exodus 35:1

2шесть дний сотвориши дела, в день же седмый почиеши, свята суббота, покой Господу: всяк творяй дело в ню, да умрет:Select Exodus 35:2

3да не возгнетите огня во всех домех ваших в день субботный: Аз Господь.Select Exodus 35:3

4И рече Моисей ко всему сонму сынов Израилевых, глаголя: сие слово, еже завеща Господь глаголя:Select Exodus 35:4

5возмите от себе самих участие Господу: всяк по воли сердца своего да принесет начатки Господу, злато, сребро, медь,Select Exodus 35:5

6синету, багряницу, червленицу сугубу спрядену, и виссон сканый и волну козию,Select Exodus 35:6

7и кожы овни очервлены, и кожы сини, и древеса негниюща,Select Exodus 35:7

8и елей во свещение, и фимиам в елей помазания, и в сложение фимиама:Select Exodus 35:8

9и камени сардийски, и камени в ваяние на ризу верхнюю и на подир:Select Exodus 35:9

10и всяк премудрый сердцем в вас шед да делает вся, елика заповеда Господь:Select Exodus 35:10

11скинию и завесы, и покровы и разворы, и колки и вереи, и столпы и стояла:Select Exodus 35:11

12и кивот свидения и носила его, и очистилище его и завесу, (и опоны двора, и столпы его, и камени смарагдовы, и фимиам и елей помазания,)Select Exodus 35:12

13и трапезу и носила ея, и вся сосуды ея, и хлебы предложения, (и олтарь и вся сосуды его,)Select Exodus 35:13

14и светилник света и вся сосуды его, и светила его и елей светилный,Select Exodus 35:14

15и олтарь кадилный и носила его, и елей помазания, и фимиам сложения, и завесу дверий скинии,Select Exodus 35:15

16и олтарь всесожжения, и огнище его медяно и носила его, и вся сосуды его, и умывалницу, и стояло ея,Select Exodus 35:16

17и опоны двора, и столпы его и стояла его, и завесу дверий двора,Select Exodus 35:17

18и колки скинии, и колки двора, и ужы их:Select Exodus 35:18

19и ризы святыя Аарона жерца, и ризы, в нихже служити имут во святем, и ризы сыном Аароновым священства (и елей помазания, и фимиам сложения).Select Exodus 35:19

20И изыде весь сонм сынов Израилевых от Моисеа.Select Exodus 35:20

21И принесоша кийждо, яже возлюби сердце их, и якоже возмнеся души их, принесоша участие Господу на вся дела скинии свидения, и на вся сосуды ея, и на вся ризы святилища:Select Exodus 35:21

22и принесоша мужие от жен своих, кийждо, якоже помысли умом, принесоша печати и усерязи, и перстни и пленицы, и мониста и всяк сосуд злат: и вси елицы принесоша участие злата Господу,Select Exodus 35:22

23и всяк у негоже обретеся синета и багряница, и червленица и виссон, и кожы сини и кожы сини очервлены, (и кожы козия) принесоша:Select Exodus 35:23

24всяк отделяяй участие, сребро и медь, принесоша участия Господу: и у нихже обретошася древеса негниющая, на вся соделования сосудов принесоша:Select Exodus 35:24

25и всяка жена мудрая умом рукама прясти, принесе пряденая, синету и багряницу и червленицу и виссон:Select Exodus 35:25

26и вся жены, имже возлюбися во уме их, хитростию спрядоша волну козию:Select Exodus 35:26

27и князи принесоша камени смарагдовы и камени на совершение ризе верхней, и на слово,Select Exodus 35:27

28и на сложение, и на елей помазания, и на сложение фимиама:Select Exodus 35:28

29и всяк муж, или жена, имже наносяше ум их, вшедшим творити вся дела, елика заповеда Господь творити я Моисеом, принесоша сынове Израилевы участие Господу.Select Exodus 35:29

30И рече Моисей сыном Израилевым: се, нарече Бог именем Веселеила сына Уриина, сына Орова, от племене Иудина,Select Exodus 35:30

31и наполни его Духа Божия, премудрости и разума, и умений всех,Select Exodus 35:31

32архитектонствовати во всех делесех древоделания, творити злато и сребро и медь,Select Exodus 35:32

33и ваяти камени, и делати древо, и творити по всему делу премудрости:Select Exodus 35:33

34и преуспевати даде во уме ему и Елиаву Ахисамахову, от племене Данова:Select Exodus 35:34

35и наполни их премудрости, ума, еже разумети творити вся дела святыни, ткания и пестрения ткати червленицею и багряницею и виссоном, творити всякое дело художества различна.Select Exodus 35:35