6Exodus 6

1И рече Господь к Моисею: се, узриши, что сотворю фараону: рукою бо крепкою отпустит их и мышцею высокою изженет их от земли своея.Select Exodus 6:1

2Глагола же Бог к Моисею и рече ему: Аз Господь,Select Exodus 6:2

3и явихся Аврааму, и Исааку, и Иакову, Бог Сый их, и имене Моего Господь не явих им:Select Exodus 6:3

4и поставих завет Мой с ними, яко дати им землю Ханаанску, землю пришелствия их, на нейже и обитаху:Select Exodus 6:4

5Аз же услышах стенание сынов Израилевых, имже Египтяне поработиша их, и помянух завет Мой:Select Exodus 6:5

6иди, рцы сыном Израилевым глаголя: Аз Господь, и изведу вас от насилия Египетска, и избавлю вас от работы (их), и отиму вас мышцею высокою и судом великим,Select Exodus 6:6

7и прииму вы Себе в люди, и буду вам Бог: и уразумеете, яко Аз Господь Бог ваш, изведый вас от земли Египетския и от насилия Египетска:Select Exodus 6:7

8и введу вас в землю, на нюже прострох руку Мою, дати ю Аврааму и Исааку и Иакову: и дам ю вам в наследие, Аз Господь.Select Exodus 6:8

9Глагола же Моисей тако сыном Израилевым, и не послушаша Моисеа от малодушия и от дел жестоких.Select Exodus 6:9

10Рече же Господь к Моисею, глаголя:Select Exodus 6:10

11вниди, глаголи фараону царю Египетскому, да отпустит сыны Израилевы из земли своея.Select Exodus 6:11

12Рече же Моисей пред Господем глаголя: се, сынове Израилевы не послушаша мене, и како послушает мене фараон? Аз же несловесен есмь.Select Exodus 6:12

13Рече же Господь к Моисею и Аарону и завеща им внити к фараону царю Египетскому, да отпустит сыны Израилевы от земли Египетския.Select Exodus 6:13

14И сии старейшины домов отечеств их: сынове Рувима, первенца Израилева, Енох и Фаллос, Асрон и Харми: сие племя Рувимово.Select Exodus 6:14

15Сынове же Симеоновы: Иемуил и Иамин, и Аод и Ахин, и Саар и Саул, иже от Финиссины: сия рождения сынов Симеоновых.Select Exodus 6:15

16И сия имена сынов Левииных по сродством их: Гирсон, Кааф и Мерари: лет же жития Левиина сто тридесять седмь.Select Exodus 6:16

17Сии же сынове Гирсони: Ловени и Семей: домове рождения их.Select Exodus 6:17

18Сынове же Каафовы: Амврам и Иссаар, Хеврон и Озиил: лет же жития Каафова сто тридесять три.Select Exodus 6:18

19Сынове же Мерарины: Мооли и Омуси: сии домове рождения Левиина по сродством их.Select Exodus 6:19

20И поя Амврам Иохаведу, дщерь брата отца своего, себе в жену, и роди ему Аарона и Моисеа и Мариамь сестру их: лет же жития Амврамова сто тридесять седмь.Select Exodus 6:20

21Сынове же Иссааровы: Коре и Нафек и Зехри.Select Exodus 6:21

22Сынове же Озииловы: Мисаил и Елисафан и Сегри.Select Exodus 6:22

23Поя же Аарон Елисавету, дщерь Аминадавову, сестру Наассонову, себе в жену, и роди ему Надава и Авиуда, и Елеазара и Ифамара.Select Exodus 6:23

24Сынове же Кореовы: Асир и Елкана и Авиасар: сия рождения Кореова.Select Exodus 6:24

25И Елеазар, сын Ааронов, поя от дщерей Футииловых себе в жену, и роди ему Финееса: сия старейшинства отечества левитска по сродством их.Select Exodus 6:25

26Сей Аарон и Моисей, имже рече Бог извести сыны Израилевы из земли Египетския с силою их.Select Exodus 6:26

27Сии суть, иже глаголаста к фараону царю Египетскому, еже извести сыны Израилевы от земли Египетския: сей Аарон и Моисей,Select Exodus 6:27

28в оньже день глагола Господь к Моисею в земли Египетстей.Select Exodus 6:28

29И рече Господь к Моисею глаголя: Аз Господь: глаголи к фараону царю Египетскому, елика Аз глаголю к тебе.Select Exodus 6:29

30И рече Моисей пред Господем: се, аз худогласен есмь, и како послушает мене фараон?Select Exodus 6:30