7Exodus 7

1И рече Господь к Моисею, глаголя: се, дах тя Бога фараону, и Аарон брат твой будет твой пророк:Select Exodus 7:1

2ты же возглаголеши ему вся, елика тебе заповедаю: Аарон же брат твой возглаголет к фараону, да отпустит сыны Израилевы от земли своея:Select Exodus 7:2

3Аз же ожесточу сердце фараоново и умножу знамения Моя и чудеса в земли Египетстей:Select Exodus 7:3

4и не послушает вас фараон, и возложу руку Мою на Египет и изведу с силою Моею люди Моя сыны Израилевы от земли Египетския, со отмщением великим:Select Exodus 7:4

5и уведят вси Египтяне, яко Аз есмь Господь, простирая руку Мою на Египет, и изведу сыны Израилевы от среды их.Select Exodus 7:5

6Сотвори же Моисей и Аарон, якоже заповеда им Господь, тако сотвориша.Select Exodus 7:6

7Моисей же бе осмидесяти лет, Аарон же брат его осмидесяти трех лет, егда глаголаста к фараону.Select Exodus 7:7

8И рече Господь к Моисею и Аарону глаголя:Select Exodus 7:8

9и аще речет к вам фараон, глаголя: дадите нам знамение или чудо: и речеши Аарону брату твоему: возми жезл и повержи на землю пред фараоном и пред рабы его, и будет змий.Select Exodus 7:9

10Вниде же Моисей и Аарон пред фараона и пред рабы его, и сотвориша тако, якоже заповеда им Господь: и поверже Аарон жезл пред фараоном и пред рабы его, и бысть змий.Select Exodus 7:10

11Созва же фараон мудрецы Египетския и волхвы: и сотвориша и волсви египетскии чарованиями своими такожде:Select Exodus 7:11

12и повергоша кийждо жезл свой, и быша змиеве: и пожре жезл Ааронов оных жезлы.Select Exodus 7:12

13И укрепися сердце фараоне, и не послуша их, якоже глагола им Господь.Select Exodus 7:13

14И рече Господь к Моисею: отягчися сердце фараоне, еже не отпустити людий:Select Exodus 7:14

15иди к фараону заутра: се, той исходит на воды, и буди сретая его на брезе речнем: и жезл обращейся в змия возми в руку твою,Select Exodus 7:15

16и речеши к нему: Господь Бог Еврейский посла мя к тебе, глаголя: отпусти люди Моя, да Ми послужат в пустыни: и се, не послушал еси доселе:Select Exodus 7:16

17сия глаголет Господь: по сему увеси, яко Аз Господь: се, аз ударю жезлом, иже в руце моей, по воде речней, и преложится в кровь:Select Exodus 7:17

18и рыбы, яже в реце изомрут, и возсмердится река, и не возмогут Египтяне пити воды от реки.Select Exodus 7:18

19Рече же Господь к Моисею: рцы Аарону брату твоему: возми жезл твой в руку твою, и простри руку твою на воды Египетския и на реки их и на кладязи их и на езера их и на всякое собрание вод их, и будет кровь, и бысть кровь по всей земли Египетстей, в древесех же и в камениих.Select Exodus 7:19

20И сотвориша тако Моисей и Аарон, якоже заповеда им Господь: и взем Аарон жезл свой, удари воду речную пред фараоном и пред рабы его, и преложи всю воду речную в кровь:Select Exodus 7:20

21и рыбы яже в реце изомроша, и возсмердеся река, и не можаху Египтяне пити воды от реки, и бяше кровь по всей земли Египетстей.Select Exodus 7:21

22Сотвориша же и волсви Египетстии волхвованиями своими такожде: и ожесточися сердце фараоново, и не послуша их, якоже рече Господь.Select Exodus 7:22

23Возвратився же фараон вниде в дом свой, и не положи себе и сего во уме.Select Exodus 7:23

24Ископаша же вси Египтяне окрест реки, да пиют воду: и не можаху пити воды от реки.Select Exodus 7:24

25И исполнишася седмь дний, по ударении Господни в реку.Select Exodus 7:25