8Exodus 8

1И рече Господь к Моисею: вниди к фараону и речеши к нему: сия глаголет Господь: отпусти люди Моя, да Ми послужат:Select Exodus 8:1

2аще же не хощеши ты отпустити, се, Аз побиваю вся пределы твоя жабами:Select Exodus 8:2

3и изрыгнет река жабы, и излезшя внидут в домы твоя и в клети ложниц твоих, и на постели твоя и в домы рабов твоих и людий твоих, и в теста твоя и в пещы твоя,Select Exodus 8:3

4и на тя и на рабы твоя и на люди твоя возлезут жабы.Select Exodus 8:4

5Рече же Господь к Моисею: рцы Аарону брату твоему: простри рукою твоею жезл твой на реки и на кладязи и на езера, и изведи жабы на землю Египетскую.Select Exodus 8:5

6И простре Аарон руку на воды Египетския и изведе жабы: и излезоша жабы и покрыша землю Египетскую.Select Exodus 8:6

7Сотвориша же и волсви Египетстии волхвованиями своими такожде и изведоша жабы на землю Египетскую.Select Exodus 8:7

8Призва же фараон Моисеа и Аарона и рече: помолитеся о мне ко Господу, да отженет от мене жабы и от людий моих: и отпущу люди, и пожрут Господви.Select Exodus 8:8

9Рече же Моисей к фараону: определи мне, когда помолюся о тебе и о рабех твоих и о людех твоих, да погибнут жабы от тебе и от людий твоих и от домов ваших, точию в реце да останутся.Select Exodus 8:9

10Он же рече: заутра. Рече убо: якоже рекл еси, да увеси, яко несть иного разве Господа:Select Exodus 8:10

11и отженутся жабы от тебе и от домов ваших и от сел, и от рабов твоих и от людий твоих, точию в реце останутся.Select Exodus 8:11

12Изыде же Моисей и Аарон от фараона, и возопи Моисей ко Господу о определении жаб, якоже совеща с фараоном.Select Exodus 8:12

13Сотвори же Господь, якоже рече Моисей: и изомроша жабы от домов и от сел и от нив их:Select Exodus 8:13

14и собраша я в стоги стоги, и возсмердеся земля.Select Exodus 8:14

15Видев же фараон, яко бысть отрада, отяготися сердце его, и не послуша их, якоже рече Господь.Select Exodus 8:15

16И рече Господь к Моисею: рцы Аарону: простри рукою жезл твой и удари в персть земную, и будут скнипы в человецех и в скотех, и на фараоне и на доме его и рабех его, и весь песок земный станет скнипами во всей земли Египетстей.Select Exodus 8:16

17Простре убо Аарон рукою жезл и удари в персть земную: и быша скнипы в человецех и в скотех, и во всякой персти земной быша скнипы во всей земли Египетстей.Select Exodus 8:17

18Твориша же и волсви волхвованми своими такожде извести скнипы, и не возмогоша: и быша скнипы в человецех и скотех.Select Exodus 8:18

19Реша убо волсви фараону: перст Божий есть сие. И ожесточися сердце фараоново, и не послуша их, якоже рече Господь.Select Exodus 8:19

20Рече же Господь к Моисею: востани заутра и стани пред фараоном, и се, он изыдет на воду, и речеши ему: сия глаголет Господь: отпусти люди Моя, да Ми послужат в пустыни:Select Exodus 8:20

21аще же не хощеши отпустити людий Моих, се, Аз посылаю на тя и на рабы твоя, и на люди твоя и на домы вашя песия мухи: и наполнятся домове Египетстии песиих мух и в земли, на нейже суть:Select Exodus 8:21

22и прославлю в той день землю Гесемску, на нейже людие Мои сташа, на нейже не будет тамо песиих мух, да увеси, яко Аз есмь Господь, Бог всея земли:Select Exodus 8:22

23и положу разлучение между людьми Моими и людьми твоими: во утрии же будет знамение сие на земли.Select Exodus 8:23

24Сотвори же Господь тако: и прииде песиих мух множество в домы фараоновы и в домы рабов его и во всю землю Египетску, и погибе земля от песиих мух.Select Exodus 8:24

25Воззва же фараон Моисеа и Аарона, глаголя: шедше пожрите жертву Господу Богу вашему в земли сей.Select Exodus 8:25

26И рече Моисей: не может се тако быти, хулно бо се Египтяном: не положим требу Господу Богу нашему: аще бо положим требу по хулению Египетску пред ними, камением побиют ны:Select Exodus 8:26

27путем триех дний пойдем в пустыню и пожрем Господу Богу нашему, якоже рече Господь нам.Select Exodus 8:27

28И рече фараон: аз отпущаю вы, и пожрите Господу Богу вашему в пустыни: но не далече простирайтеся ити: помолитеся убо и о мне ко Господу.Select Exodus 8:28

29Рече же Моисей: се, аз изыду от тебе и помолюся ко Господу Богу, и отидут песия мухи от тебе и от рабов твоих и от людий твоих заутра: да не приложиши еще, фараоне, прельстити, еже не отпустити людий пожрети Господу.Select Exodus 8:29

30Изыде же Моисей от фараона и помолися Богу.Select Exodus 8:30

31Сотвори же Господь, якоже рече Моисей, и отя песия мухи от фараона и от рабов его и от людий его, и не остася ни едина.Select Exodus 8:31

32И отяготи фараон сердце свое и во время сие, и не восхоте отпустити людий.Select Exodus 8:32