1Habakkuk 1

1Видение, еже виде Аввакум пророк.Select Habakkuk 1:1

2Доколе, Господи, воззову, и не услышиши? Возопию к Тебе обидимь, и не избавиши?Select Habakkuk 1:2

3Вскую мне показал еси труды и болезни, смотрити страсть и нечестие? Противу мне бысть суд, и судия вземлет.Select Habakkuk 1:3

4Сего ради разорися закон, и не производится в совершение суд: яко нечестивый преобидит праведнаго, сего ради изыдет суд развращен.Select Habakkuk 1:4

5Видите, презорливии, и смотрите, и чудитеся чудесем и изчезните: понеже дело Аз делаю во днех ваших, емуже не имате веровати, аще кто исповесть вам.Select Habakkuk 1:5

6Зане, се, Аз возставляю Халдеи, язык горький и борзый, ходящий по широтам земли, еже наследити селения не своя:Select Habakkuk 1:6

7страшен и явлен есть, от него суд его будет, и взятие его от него изыдет:Select Habakkuk 1:7

8и изскочат паче рысей кони его и быстрее волков аравийских, и поедут конницы его и устремятся издалеча и полетят аки орел готов на ядь.Select Habakkuk 1:8

9Скончание на нечестивыя приидет, сопротивляющыяся лицам их противу, и соберет яко песок пленники.Select Habakkuk 1:9

10И той над царьми посмеется, и мучителие играние его, и той над всякою тверделию поругается, и обложит вал, и возобладает ею.Select Habakkuk 1:10

11Тогда пременит дух и прейдет и помолится: сия крепость богу моему.Select Habakkuk 1:11

12Неси ли Ты искони, Господи Боже, Святый мой? И не умрем. Господи, на суд учинил еси его, и созда мя обличати наказание его.Select Habakkuk 1:12

13Чисто око еже не видети зла и взирати на труды болезненныя: вскую призираеши на презорливыя? Премолчаваеши, егда пожирает нечестивый праведнаго?Select Habakkuk 1:13

14И сотвориши человеки яко рыбы морския и яко гады не имущыя старейшины.Select Habakkuk 1:14

15Скончание удою восхити и привлече его мрежею и собра его сетьми своими: сего ради возвеселится и возрадуется сердце его:Select Habakkuk 1:15

16сего ради пожрет мрежи своей и покадит сеть свою, яко теми разблажи часть свою и пищи своя избранныя:Select Habakkuk 1:16

17сего ради прострет мрежу свою и присно избивати языков не пощадит.Select Habakkuk 1:17