3Habakkuk 3

1Молитва Аввакума пророка с песнию. Господи, услышах слух Твой и убояхся:Select Habakkuk 3:1

2Господи, разумех дела Твоя и ужасохся: посреде двою животну познан будеши: внегда приближитися летом, познаешися: внегда приити времени, явишися: внегда смутитися души моей во гневе, милость (Твою) помянеши.Select Habakkuk 3:2

3Бог от юга приидет, и Святый из горы Приосененныя чащи: покры небеса добродетель Его, и хваления Его исполнь земля.Select Habakkuk 3:3

4И сияние Его яко свет будет: рози в руках Его, и положи любовь державну крепости Своея.Select Habakkuk 3:4

5Пред лицем Его предидет слово, и изыдет на поле при ногу Его.Select Habakkuk 3:5

6Ста, и подвижеся земля: призре, и растаяша языцы: стрышася горы нуждею, и растаяша холми вечнии, шествия вечная Его,Select Habakkuk 3:6

7за труд видеша селения Ефиопская, убоятся и кровы земли Мадиамския.Select Habakkuk 3:7

8Еда в реках прогневаешися, Господи? Еда в реках ярость Твоя? Или в мори устремление Твое? Яко всядеши на кони Твоя, и яждение Твое спасение.Select Habakkuk 3:8

9Наляцая налячеши лук Твой на скиптры, глаголет Господь: реками разсядется земля.Select Habakkuk 3:9

10Узрят тя и поболят людие, расточая воды шествия Его: даде бездна глас свой, высота привидения своя:Select Habakkuk 3:10

11воздвижеся солнце, и луна ста в чине своем: во свете стрелы Твоя пойдут, в блистании молний оружий Твоих.Select Habakkuk 3:11

12Прещением умалиши землю и яростию низложиши языки.Select Habakkuk 3:12

13Изшел еси во спасение людий Твоих, спасти помазанныя Твоя, вложил еси во главы беззаконных смерть, воздвигл еси узы даже до выи в конец:Select Habakkuk 3:13

14разсекл еси во изступлении главы сильных, сотрясутся в ней: разверзут узды своя яко снедаяй нищий тай.Select Habakkuk 3:14

15И навел еси на море кони Твоя, смущающыя воды многи.Select Habakkuk 3:15

16Сохранихся, и убояся сердце мое от гласа молитвы устен моих, и вниде трепет в кости моя, и во мне смятеся крепость моя: почию в день скорби моея, да взыду в люди пришелствия моего.Select Habakkuk 3:16

17Зане смоковь не плодопринесет, и не будет рода в лозах: солжет дело маслинное, и поля не сотворят яди: оскудеша овцы от пищи, и не будет волов при яслех.Select Habakkuk 3:17

18Аз же о Господе возрадуюся, возвеселюся о Бозе спасе моем.Select Habakkuk 3:18

19Господь Бог мой сила моя, и учинит нозе мои на совершение, и на высокая возводит мя, еже победити ми в песни Его.Select Habakkuk 3:19