1Hosea 1

1Слово Господне, еже бысть ко Осии сыну Веириину, во днех Озии и Иоафама, и Ахаза и Иезекии царей Иудиных, и во дни Иеровоама сына Иоасова царя Израилева.Select Hosea 1:1

2Начало словесе Господня ко Осии. И рече Господь ко Осии: иди, поими себе жену блужения, (и роди) чада блужения: понеже блудящи соблудит земля от Господа.Select Hosea 1:2

3И иде и поя Гомерь дщерь Девилаимлю: и зачат и роди ему сына.Select Hosea 1:3

4И рече Господь к нему: прозови имя ему Иезраель: зане еще мало, и отмщу кровь Иезраелеву на дому Иудове и упокою царство дому Израилева:Select Hosea 1:4

5и будет в той день, сокрушу лук Израилев во удоле Иезраелеве.Select Hosea 1:5

6И зачат еще и роди дщерь. И рече ему (Господь): прозови имя ей Непомилована: зане не приложу ксему помиловати дому Израилева, но противляяся возсопротивлюся им:Select Hosea 1:6

7сыны же Иудины помилую и спасу я о Где Бозе их: и не спасу их луком, ни мечем, ни бранию, ни коньми, ниже конниками.Select Hosea 1:7

8И отдои Непомилованную: и зачат паки и роди сына.Select Hosea 1:8

9И рече (Господь): прозови имя ему Не Людие Мои: зане вы не людие Мои, и Аз несмь Бог ваш:Select Hosea 1:9

10и будет число сынов Израилевых аки песок морский, иже не измерится, ни изочтется: и будет, на месте, на немже речеся им: не людие Мои вы: сии тамо прозовутся сынове Бога живаго.Select Hosea 1:10

11И соберутся сынове Иудины и сынове Израилевы вкупе, и поставят себе власть едину, и изыдут от земли, яко велик день Иезраелев.Select Hosea 1:11