12Hosea 12

1Ефрем же зол дух, гоняше зной весь день: тщетная и суетная умножи, и завет со Ассирианы завеща, и елей во Египет посылаше.Select Hosea 12:1

2И суд Господеви ко Иуде, еже отмстити Иакова: по путем его и по начинанием его воздаст ему.Select Hosea 12:2

3Во утробе запя брата своего и труды своими укрепе к Богу:Select Hosea 12:3

4и укрепе со Ангелом и превозможе. Плакашася и молишася ми: в дому Онове обретоша мя, и ту глаголася к ним.Select Hosea 12:4

5Господь же Бог Вседержитель будет память Его.Select Hosea 12:5

6И ты о Бозе своем обратишися, милость и суд снабди, и приближайся к Богу своему присно.Select Hosea 12:6

7Ханаан, в руце его мерило неправды, насильствовати возлюби.Select Hosea 12:7

8И рече Ефрем: обаче обогатех, обретох прохлаждение себе: вси труды его не обрящутся ему ради неправд, имиже согреши.Select Hosea 12:8

9Аз же Господь Бог твой, изведох тя из земли Египетски: еще вселю тя в кущах, якоже во дни праздника.Select Hosea 12:9

10И глаголах ко пророком, и аз видения умножих, и в руках пророческих уподобихся.Select Hosea 12:10

11Аще не Галаад есть, убо ложни быша во Галгалех князи требы кладуще, и требища их якоже желви на целизне польстей.Select Hosea 12:11

12И отиде Иаков на поле Сирийско, и работа Израиль о жене и о жене снабде.Select Hosea 12:12

13И пророком изведе Господь Израиля из земли Египетския, и пророком снабдеся.Select Hosea 12:13

14Разгнева Мя Ефрем и возяри Мя: и кровь его на нем пролиется, и укоризну его воздаст ему Господь.Select Hosea 12:14