3Hebrews 3

1Темже, братие святая, звания небеснаго причастницы, разумейте Посланника и Святителя исповедания нашего Иисуса Христа,Select Hebrews 3:1

2верна суща Сотворшему Его, якоже и Моисей во всем дому Его.Select Hebrews 3:2

3Множайшей бо славе Сей паче Моисеа сподобися, елико множайшую честь имать паче дому сотворивый его:Select Hebrews 3:3

4всяк бо дом созидается от некоего: а сотворивый всяческая Бог.Select Hebrews 3:4

5И Моисей убо верен бе во всем дому Его, якоже слуга, во свидетелство глаголатися имевшым:Select Hebrews 3:5

6Христос же якоже Сын в дому Своем: Егоже дом мы есмы, аще дерзновение и похвалу упования даже до конца известно удержим.Select Hebrews 3:6

7Темже, якоже глаголет Дух Святый, днесь, аще глас Его услышите,Select Hebrews 3:7

8не ожесточите сердец ваших, якоже в прогневании, во дни искушения в пустыни,Select Hebrews 3:8

9идеже искусиша Мя отцы ваши, искусиша Мя и видеша дела Моя четыредесять лет.Select Hebrews 3:9

10Сего ради негодовах рода того и рех: присно заблуждают сердцем, тии же не познаша путий Моих:Select Hebrews 3:10

11яко кляхся во гневе Моем, аще внидут в покой Мой.Select Hebrews 3:11

12Блюдите, братие, да не когда будет в некоем от вас сердце лукаво, (исполнено) неверия, во еже отступити от Бога жива.Select Hebrews 3:12

13Но утешайте себе на всяк день дондеже днесь нарицается, да не ожесточится некто от вас лестию греховною:Select Hebrews 3:13

14причастницы бо быхом Христу, аще точию начаток состава даже до конца известен удержим:Select Hebrews 3:14

15внегда глаголет: днесь, аще глас Его услышите, не ожесточите сердец ваших, якоже в прогневании.Select Hebrews 3:15

16Нецыи бо слышавше прогневаша, но не вси изшедшии из Египта с Моисеом.Select Hebrews 3:16

17Коих же негодова четыредесять лет? Не согрешивших ли, ихже кости падоша в пустыни?Select Hebrews 3:17

18Которым же клялся не внити в покоище Его? Яве, яко противльшымся.Select Hebrews 3:18

19И видим, яко не возмогоша внити за неверствие.Select Hebrews 3:19