9Hebrews 9

1Имеяше убо первая скиния оправдания службы, святое же людское:Select Hebrews 9:1

2скиния бо сооружена бысть первая, в нейже светилник и трапеза и предложение хлебов, яже глаголется святая.Select Hebrews 9:2

3По вторей же завесе скиния глаголемая Святая святых,Select Hebrews 9:3

4злату имущи кадилницу и ковчег завета окован всюду златом, в немже стамна злата имущая манну, и жезл Ааронов прозябший, и скрижали завета:Select Hebrews 9:4

5превышше же его херувими славы, осеняющии олтарь: о нихже не леть ныне глаголати подробну.Select Hebrews 9:5

6Сим же тако устроеным, в первую убо скинию выну вхождаху священницы, службы совершающе:Select Hebrews 9:6

7во вторую же единою в лето един архиерей, не без крове, юже приносит за себе и о людских невежествиих.Select Hebrews 9:7

8Сие являющу Духу Святому, яко не у явися святых путь, еще первей скинии имущей стояние.Select Hebrews 9:8

9Яже притча во время настоящее утвердися, в неже дарове и жертвы приносятся, не могущыя по совести совершити служащаго,Select Hebrews 9:9

10точию в брашнах и питиях, и различных омовениих, и оправданиих плоти, даже до времене исправления належащая.Select Hebrews 9:10

11Христос же пришед Архиерей грядущих благ, болшею и совершеннейшею скиниею, нерукотворенною, сиречь, не сея твари,Select Hebrews 9:11

12ни кровию козлею ниже телчею, но Своею Кровию, вниде единою во святая, вечное искупление обретый.Select Hebrews 9:12

13Аще бо кровь козляя и телчая и пепел юнчий кропящий оскверненыя освящает к плотстей чистоте:Select Hebrews 9:13

14кольми паче Кровь Христова, Иже Духом Святым Себе принесе непорочна Богу, очистит совесть нашу от мертвых дел, во еже служити нам Богу живу и истинну?Select Hebrews 9:14

15И сего ради новому завету ходатай есть, да смерти бывшей, во искупление преступлений бывших в первем завете, обетование вечнаго наследия приимут званнии.Select Hebrews 9:15

16Идеже бо завет, смерти нужно есть вноситися завещающаго,Select Hebrews 9:16

17завет бо в мертвых известен есть: понеже ничесоже может, егда жив есть завещаваяй.Select Hebrews 9:17

18Темже ни первый без крове обновлен бысть.Select Hebrews 9:18

19Реченней бо бывшей всяцей заповеди по закону от Моисеа всем людем, приемь кровь козлюю и телчую, с водою и волною червленою и иссопом, самыя же тыя книги и вся люди покропи,Select Hebrews 9:19

20глаголя: сия кровь завета, егоже завеща к вам Бог.Select Hebrews 9:20

21И скинию же и вся сосуды служебныя кровию такожде покропи.Select Hebrews 9:21

22И отнюд кровию вся очищаются по закону, и без кровопролития не бывает оставление.Select Hebrews 9:22

23Нужда убо бяше образом небесных сими очищатися: самем же небесным лучшими жертвами, паче сих.Select Hebrews 9:23

24Не в рукотворенная бо святая вниде Христос, противообразная истинных, но в самое небо, ныне да явится лицу Божию о нас,Select Hebrews 9:24

25ниже да многажды приносит Себе, якоже первосвященник входит во святая (святых) по вся лета с кровию чуждею:Select Hebrews 9:25

26понеже подобаше бы Ему множицею страдати от сложения мира: ныне же единою в кончину веков, во отметание греха, жертвою Своею явися.Select Hebrews 9:26

27И якоже лежит человеком единою умрети, потом же суд,Select Hebrews 9:27

28тако и Христос единою принесеся, во еже вознести многих грехи, второе без греха явится, ждущым Его во спасение.Select Hebrews 9:28