11 Corinthians 1

1Павел, зван Апостол Иисус Христов волею Божиею, и Сосфен брат,Select 1 Corinthians 1:1

2церкви Божией сущей в Коринфе, освященным о Христе Иисусе, званным святым, со всеми призывающими имя Господа нашего Иисуса Христа, во всяцем месте, тех же и нашем:Select 1 Corinthians 1:2

3благодать вам и мир от Бога Отца нашего и Господа Иисуса Христа.Select 1 Corinthians 1:3

4Благодарю Бога моего всегда о вас, о благодати Божией данней вам о Христе Иисусе,Select 1 Corinthians 1:4

5яко во всем обогатистеся о Нем, во всяцем слове и всяцем разуме,Select 1 Corinthians 1:5

6якоже свидетелство Христово известися в вас:Select 1 Corinthians 1:6

7яко вам не лишитися ни во единем даровании, чающым откровения Господа нашего Иисуса Христа,Select 1 Corinthians 1:7

8Иже и утвердит вас даже до конца неповинных в день Господа нашего Иисуса Христа.Select 1 Corinthians 1:8

9Верен Бог, Имже звани бысте во общение Сына Его Иисуса Христа, Господа нашего.Select 1 Corinthians 1:9

10Молю же вы, братие, именем Господа нашего Иисуса Христа, да тожде глаголете вси, и да не будут в вас распри, да будете же утверждени в томже разумении и в тойже мысли.Select 1 Corinthians 1:10

11Возвестися бо ми о вас, братие моя, (посланным) от Хлоиса, яко рвения в вас суть.Select 1 Corinthians 1:11

12Глаголю же се, яко кийждо вас глаголет: аз убо есмь Павлов, аз же Аполлосов, аз же Кифин, аз же Христов.Select 1 Corinthians 1:12

13Еда разделися Христос, еда Павел распятся по вас? Или во имя Павлово крестистеся?Select 1 Corinthians 1:13

14Благодарю Бога, яко ни единаго от вас крестих, точию Криспа и Гаиа,Select 1 Corinthians 1:14

15да не кто речет, яко в мое имя крестих.Select 1 Corinthians 1:15

16Крестих же и Стефанинов дом: прочее не вем, аще кого иного крестих.Select 1 Corinthians 1:16

17Не посла бо мене Христос крестити, но благовестити, не в премудрости слова, да не испразднится крест Христов.Select 1 Corinthians 1:17

18Слово бо крестное погибающым убо юродство есть, а спасаемым нам сила Божия есть.Select 1 Corinthians 1:18

19Писано бо есть: погублю премудрость премудрых, и разум разумных отвергу.Select 1 Corinthians 1:19

20Где премудр? Где книжник? Где совопросник века сего? Не обуи ли Бог премудрость мира сего?Select 1 Corinthians 1:20

21Понеже бо в премудрости Божией не разуме мир премудростию Бога, благоизволил Бог буйстовм проповеди спасти верующих.Select 1 Corinthians 1:21

22Понеже и Иудее знамения просят, и Еллини премудрости ищут:Select 1 Corinthians 1:22

23мы же проповедуем Христа распята, Иудеем убо соблазн, Еллином же безумие,Select 1 Corinthians 1:23

24самем же званным Иудеем же и Еллином Христа, Божию силу и Божию премудрость:Select 1 Corinthians 1:24

25зане буее Божие премудрее человек есть, и немощное Божие крепчае человек есть.Select 1 Corinthians 1:25

26Видите бо звание ваше, братие, яко не мнози премудри по плоти, не мнози сильни, не мнози благородни:Select 1 Corinthians 1:26

27но буяя мира избра Бог, да премудрыя посрамит, и немощная мира избра Бог, да посрамит крепкая:Select 1 Corinthians 1:27

28и худородная мира и уничиженная избра Бог, и не сущая, да сущая упразднит,Select 1 Corinthians 1:28

29яко да не похвалится всяка плоть пред Богом.Select 1 Corinthians 1:29

30Из Негоже вы есте о Христе Иисусе, Иже бысть нам премудрость от Бога, правда же и освящение и избавление,Select 1 Corinthians 1:30

31да, якоже пишется: хваляйся, о Господе да хвалится.Select 1 Corinthians 1:31