101 Corinthians 10

1Не хощу же вас не ведети, братие, яко отцы наши вси под облаком быша, и вси сквозе море проидоша:Select 1 Corinthians 10:1

2и вси в Моисеа крестишася во облаце и в мори:Select 1 Corinthians 10:2

3и вси тожде брашно духовное ядоша:Select 1 Corinthians 10:3

4и вси тожде пиво духовное пиша, пияху бо от духовнаго последующаго камене: камень же бе Христос.Select 1 Corinthians 10:4

5Но не во множайших их благоволи Бог, поражени бо быша в пустыни.Select 1 Corinthians 10:5

6Сия же образи нам быша, яко не быти нам похотником злых, якоже и они похотеша.Select 1 Corinthians 10:6

7Ни идолослужителе бывайте, якоже нецыи от них, якоже есть писано: седоша людие ясти и пити, и восташа играти.Select 1 Corinthians 10:7

8Ниже соблудим, якоже нецыи от них соблудиша, и падоша во един день двадесять три тысящы.Select 1 Corinthians 10:8

9Ни да искушаим Христа, якоже нецыи от них искусиша и от змий погибоша.Select 1 Corinthians 10:9

10Ни ропщите, якоже нецыи от них ропташа и погибоша от всегубителя.Select 1 Corinthians 10:10

11Сия же вся образи прилучахуся онем: писана же быша в научение наше, в нихже концы век достигоша.Select 1 Corinthians 10:11

12Темже мняйся стояти да блюдется, да не падет.Select 1 Corinthians 10:12

13Искушение вас не достиже, точию человеческое: верен же Бог, Иже не оставит вас искуситися паче, еже можете, но сотворит со искушением и избытие, яко возмощи вам понести.Select 1 Corinthians 10:13

14Темже, братие моя возлюбленная, бегайте от идолослужения.Select 1 Corinthians 10:14

15Яко мудрым глаголю: судите вы, еже глаголю:Select 1 Corinthians 10:15

16чаша благословения, юже благословляем, не общение ли Крове Христовы есть? Хлеб, егоже ломим, не общение ли Тела Христова есть?Select 1 Corinthians 10:16

17Яко един хлеб, едино тело есмы мнози: вси бо от единаго хлеба причащаемся.Select 1 Corinthians 10:17

18Видите Израиля по плоти: не ядущии ли жертвы общницы олтареви суть?Select 1 Corinthians 10:18

19Что убо глаголю? Яко идол что есть? Или идоложертвенное что есть?Select 1 Corinthians 10:19

20Но зане, яже жрут языцы, бесом жрут, а не Богови: не хощу же вас общников быти бесом.Select 1 Corinthians 10:20

21Не можете чашу Господню пити и чашу бесовскую: не можете трапезе Господней причащатися и трапезе бесовстей.Select 1 Corinthians 10:21

22Или раздражаем Господа? Еда крепчайши Его есмы?Select 1 Corinthians 10:22

23Вся ми леть суть, но не вся на пользу: вся ми леть суть, но не вся назидают.Select 1 Corinthians 10:23

24Никтоже своего си да ищет, но еже ближняго кийждо.Select 1 Corinthians 10:24

25Все, еже на торжищи продаемое, ядите, ничтоже сумнящеся, за совесть:Select 1 Corinthians 10:25

26Господня бо земля и исполнение ея.Select 1 Corinthians 10:26

27Аще ли кто от неверных призывает вы, и хощете ити, все предлагаемое вам ядите, ничтоже сумнящеся, за совесть.Select 1 Corinthians 10:27

28Аще ли же кто вам речет: сие идоложертвенно есть: не ядите за оного поведавшаго, и совесть: Господня бо земля и исполнение ея.Select 1 Corinthians 10:28

29Совесть же глаголю не свою, но другаго: вскую бо свобода моя судится от иныя совести?Select 1 Corinthians 10:29

30Аще аз благодатию причащаюся, почто хулу приемлю, о немже аз благодарю?Select 1 Corinthians 10:30

31Аще убо ясте, аще ли пиете, аще ли ино что творите, вся во славу Божию творите.Select 1 Corinthians 10:31

32Безпреткновени бывайте Иудеем и Еллином и церкви Божией,Select 1 Corinthians 10:32

33якоже и аз во всем всем угождаю, не иский своея пользы, но многих, да спасутся.Select 1 Corinthians 10:33