121 Corinthians 12

1О духовных же, братие, не хощу вас не ведети.Select 1 Corinthians 12:1

2Весте, яко егда неверни бесте, ко идолом безгласным яко ведоми ведостеся.Select 1 Corinthians 12:2

3Темже сказую вам, яко никтоже, Духом Божиим глаголяй, речет анафема Иисуса, и никтоже может рещи Господа Иисуса, точию Духом Святым.Select 1 Corinthians 12:3

4Разделения же дарований суть, а тойжде Дух:Select 1 Corinthians 12:4

5и разделения служений суть, а тойжде Господь:Select 1 Corinthians 12:5

6и разделения действ суть, а тойжде есть Бог, действуяй вся во всех.Select 1 Corinthians 12:6

7Комуждо же дается явление Духа на пользу:Select 1 Corinthians 12:7

8овому бо Духом дается слово премудрости, иному же слово разума, о томже Дусе:Select 1 Corinthians 12:8

9другому же вера, темже Духом: иному же дарования исцелений, о томже Дусе:Select 1 Corinthians 12:9

10другому же действия сил, иному же пророчество, другому же разсуждения духовом, иному же роди языков, другому же сказания языков.Select 1 Corinthians 12:10

11Вся же сия действует един и тойжде Дух, разделяя властию коемуждо якоже хощет.Select 1 Corinthians 12:11

12Акоже бо тело едино есть и уды имать многи, вси же уди единаго тела, мнози суще, едино суть тело: тако и Христос.Select 1 Corinthians 12:12

13Ибо единем Духом мы вси во едино тело крестихомся, аще Иудее, аще Еллини, или раби, или свободни: и вси единем Духом напоихомся.Select 1 Corinthians 12:13

14Ибо тело несть един уд, но мнози.Select 1 Corinthians 12:14

15Аще речет нога, яко несмь рука, несмь от тела: еда сего ради несть от тела?Select 1 Corinthians 12:15

16И аще речет ухо, яко несмь око, несмь от тела: еда сего ради несть от тела?Select 1 Corinthians 12:16

17Аще все тело око, где слух? Аще (же) все слух, где ухание?Select 1 Corinthians 12:17

18Ныне же положи Бог уды, единаго коегождо их в телеси, якоже изволи.Select 1 Corinthians 12:18

19Аще ли быша вси един уд, где тело?Select 1 Corinthians 12:19

20Ныне же мнози убо удове, едино же тело.Select 1 Corinthians 12:20

21Не может же око рещи руце: не требе ми еси: или паки глава ногама: не требе ми есте.Select 1 Corinthians 12:21

22Но много паче, мнящиися уди тела немощнейши быти, нужнейши суть,Select 1 Corinthians 12:22

23и ихже мним безчестнейших быти тела, сим честь множайшую прилагаем:Select 1 Corinthians 12:23

24и неблагообразнии наши благообразие множайше имут, а благообразнии наши не требе имут. Но Бог раствори тело, худейшему болшу дав честь,Select 1 Corinthians 12:24

25да не будет распри в телеси, но да тожде в себе пекутся уди.Select 1 Corinthians 12:25

26И аще страждет един уд, с ним страждут вси уди: аще ли же славится един уд, с ним радуются вси уди.Select 1 Corinthians 12:26

27Вы же есте тело Христово, и уди от части.Select 1 Corinthians 12:27

28И овых убо положи Бог в Церкви первее Апостолов, второе пророков, третие учителей: потом же силы, таже дарования исцелений, заступления, правления, роди языков.Select 1 Corinthians 12:28

29Еда вси Апостоли? Еда вси пророцы? Еда вси учителе? Еда вси силы?Select 1 Corinthians 12:29

30Еда вси дарования имут изцелений? Еда вси языки глаголют? Еда вси сказуют?Select 1 Corinthians 12:30

31Ревнуйте же дарований болших, и еще по превосхождению путь вам показую.Select 1 Corinthians 12:31