141 Corinthians 14

1Держитеся любве: ревнуйте же духовным, паче же да пророчествуете.Select 1 Corinthians 14:1

2Глаголяй бо языки, не человеком глаголет, но Богу: никтоже бо слышит, духом же глаголет тайны:Select 1 Corinthians 14:2

3пророчествуяй же, человеком глаголет созидание и утешение и утверждение.Select 1 Corinthians 14:3

4Глаголяй (бо) языки себе зиждет, а пророчествуяй церковь зиждет.Select 1 Corinthians 14:4

5Хощу же всех вас глаголати языки, паче же да прорицаете: болий бо пророчествуяй, нежели глаголяй языки, разве аще (кто) сказует, да церковь созидание приемлет.Select 1 Corinthians 14:5

6Ныне же, братие, аще прииду к вам языки глаголя, кую вам пользу сотворю, аще вам не глаголю или во откровении, или в разуме, или в пророчествии, или в научении?Select 1 Corinthians 14:6

7Обаче бездушная глас дающая, аще сопель, аще гусли, аще разнствия писканием не дадят, како разумно будет пискание или гудение?Select 1 Corinthians 14:7

8Ибо аще безвестен глас труба даст, кто уготовится на брань?Select 1 Corinthians 14:8

9Тако и вы аще не благоразумно слово дадите языком, како уразумеется глаголемое? Будете бо на воздух глаголюще.Select 1 Corinthians 14:9

10Толицы убо, аще ключится, роди гласов суть в мире, и ни един их безгласен.Select 1 Corinthians 14:10

11Аще убо не увем силы гласа, буду глаголющему иноязычник, и глаголющий мне иноязычник.Select 1 Corinthians 14:11

12Тако и вы, понеже ревнителе есте духовом, (яже) к созиданию церкве просите, да избыточествуете.Select 1 Corinthians 14:12

13Темже глаголяй языком да молится, да сказует.Select 1 Corinthians 14:13

14Аще бо молюся языком, дух мой молится, а ум мой без плода есть.Select 1 Corinthians 14:14

15Что убо есть? Помолюся духом, помолюся же и умом: воспою духом, воспою же и умом.Select 1 Corinthians 14:15

16Понеже аще благословиши духом, исполняяй место невежды како речет аминь, по твоему благодарению? Понеже не весть, что глаголеши.Select 1 Corinthians 14:16

17Ты убо добре благодариши, но другий не созидается.Select 1 Corinthians 14:17

18Благодарю Бога моего, паче всех вас языки глаголя:Select 1 Corinthians 14:18

19но в церкви хощу пять словес умом моим глаголати, да и ины пользую, нежели тмы словес языком.Select 1 Corinthians 14:19

20Братие, не дети бывайте умы: но злобою младенствуйте, умы же совершени бывайте.Select 1 Corinthians 14:20

21В законе пишет: яко иными языки и устны иными возглаголю людем сим, и ни тако послушают Мене, глаголет Господь.Select 1 Corinthians 14:21

22Темже языцы в знамение суть не верующым, но неверным: а пророчество не неверным, но верующым.Select 1 Corinthians 14:22

23Аще убо снидется церковь вся вкупе, и вси языки глаголют, внидут же (и) неразумивии или невернии, не рекут ли, яко беснуетеся?Select 1 Corinthians 14:23

24Аще же вси пророчествуют, внидет же некий неверен или невежда, обличается всеми, (и) истязуется от всех,Select 1 Corinthians 14:24

25и сице тайная сердца его явлена бывают: и тако пад ниц поклонится Богови, возвещая, яко воистинну Бог с вами есть.Select 1 Corinthians 14:25

26Что убо есть, братие? Егда сходитеся, кийждо вас псалом имать, учение имать, язык имать откровение имать, сказание имать: вся (же) к созиданию да бывают.Select 1 Corinthians 14:26

27Аще языком кто глаголет, по двема, или множае по трием, и по части: и един да сказует.Select 1 Corinthians 14:27

28Аще ли не будет сказатель, да молчит в церкви, себе же да глаголет и Богови.Select 1 Corinthians 14:28

29Пророцы же два или трие да глаголют, и друзии да разсуждают:Select 1 Corinthians 14:29

30аще ли иному открыется седящу, первый да молчит.Select 1 Corinthians 14:30

31Можете бо вси по единому пророчествовати, да вси учатся и вси утешаются.Select 1 Corinthians 14:31

32И дуси пророчестии пророком повинуются:Select 1 Corinthians 14:32

33несть бо нестроения Бог, но мира, яко во всех церквах святых.Select 1 Corinthians 14:33

34Жены вашя в церквах да молчат: не повелеся бо им глаголати, но повиноватися, якоже и закон глаголет.Select 1 Corinthians 14:34

35Аще ли чесому научитися хотят, в дому своих мужей да вопрошают: срамно бо есть жене в церкви глаголати.Select 1 Corinthians 14:35

36Или от вас слово Божие изыде? Или вас единых достиже?Select 1 Corinthians 14:36

37Аще кто мнится пророк быти или духовен, да разумеет, яже пишу вам, зане Господни суть заповеди?Select 1 Corinthians 14:37

38Аще ли кто не разумеет, да не разумевает.Select 1 Corinthians 14:38

39Темже, братие моя, ревнуйте еже пророчествовати, и еже глаголати языки не возбраняйте:Select 1 Corinthians 14:39

40вся же благообразно и по чину да бывают.Select 1 Corinthians 14:40