21 John 2

1Чадца моя, сия пишу вам, да не согрешаете: и аще кто согрешит, ходатая имамы ко Отцу, Иисуса Христа праведника:Select 1 John 2:1

2и Той очищение есть о гресех наших, не о наших же точию, но и о всего мира.Select 1 John 2:2

3И о сем разумеем, яко познахом Его, аще заповеди Его соблюдаем.Select 1 John 2:3

4Глаголяй, яко познах Его, и заповеди Его не соблюдает, ложь есть, и в сем истины несть:Select 1 John 2:4

5а иже аще соблюдает слово Его, поистинне в сем любы Божия совершенна есть: о сем разумеем, яко в Нем есмы.Select 1 John 2:5

6Глаголяй, в Нем пребывати, должен есть, якоже Он ходил есть, и сей такожде да ходит.Select 1 John 2:6

7Возлюбленнии, не заповедь нову пишу вам, но заповедь ветху, юже иместе исперва. Заповедь ветха есть слово, еже слышасте исперва.Select 1 John 2:7

8Паки заповедь нову пишу вам, еже есть поистинне в Нем и в вас: яко тма мимоходит и свет истинный сей уже сияет.Select 1 John 2:8

9Глаголяй себе во свете быти, а брата своего ненавидяй, во тме есть доселе.Select 1 John 2:9

10Любяй брата своего во свете пребывает, и соблазна в нем несть.Select 1 John 2:10

11А ненавидяй брата своего во тме есть, и во тме ходит, и не весть, камо идет, яко тма ослепи очи ему.Select 1 John 2:11

12Пишу вам, чадца, яко оставляются вам греси имене Его ради.Select 1 John 2:12

13Пишу вам, отцы, яко познасте Безначалнаго. Пишу вам, юноши, яко победисте лукаваго. Пишу вам, дети, яко познасте Отца.Select 1 John 2:13

14Писах вам, отцы, яко познасте Исконнаго: писах вам, юноши, яко крепцы есте, и слово Божие в вас пребывает, и победисте лукаваго.Select 1 John 2:14

15Не любите мира, ни яже в мире: аще кто любит мир, несть любве Отчи в нем:Select 1 John 2:15

16яко все, еже в мире, похоть плотская и похоть очима и гордость житейская, несть от Отца, но от мира сего есть.Select 1 John 2:16

17И мир преходит, и похоть его, а творяй волю Божию пребывает во веки.Select 1 John 2:17

18Дети, последняя година есть. И якоже слышасте, яко антихрист грядет, и ныне антихристи мнози быша, от сего разумеваем, яко последний час есть.Select 1 John 2:18

19От нас изыдоша, но не беша от нас: аще бы от нас были, пребыли убо быша с нами: но да явятся, яко не суть вси от нас.Select 1 John 2:19

20И вы помазание имате от Святаго, и весте вся.Select 1 John 2:20

21Не писах вам, яко не весте истины, но яко весте ю и яко всяка лжа от истины несть.Select 1 John 2:21

22Кто есть лживый, точию отметаяйся, яко Иисус несть Христос? Сей есть антихрист, отметаяйся Отца и Сына.Select 1 John 2:22

23Всяк отметаяйся Сына, ни Отца имать: а исповедаяй Сына, и Отца имать.Select 1 John 2:23

24Вы убо еже слышасте исперва, в вас да пребывает: (и) аще в вас пребудет, еже исперва слышасте, и вы в Сыне и Отце пребудете.Select 1 John 2:24

25И сие есть обетование, еже Сам обеща нам, живот вечный.Select 1 John 2:25

26Сия писах вам о льстящих вас.Select 1 John 2:26

27И вы еже помазание приясте от Него, в вас пребывает, и не требуете, да кто учит вы: но яко то само помазание учит вы о всем, и истинно есть, и несть ложно: и якоже научи вас, пребывайте в нем.Select 1 John 2:27

28И ныне, чадца, пребывайте в Нем, да егда явится, имамы дерзновение и не посрамимся от Него в пришествии Его.Select 1 John 2:28

29Аще весте, яко праведник есть, разумейте, яко всяк творяй правду от Него родися.Select 1 John 2:29