121 Kings 12

1И иде царь Ровоам в Сикиму, яко в Сикиму прииде весь Израиль воцарити его.Select 1 Kings 12:1

2И бысть егда услыша Иеровоам сын Наватов, сущу ему еще во Египте, яко убегл бе от лица Соломона, и возвратися Иеровоам из Египта:Select 1 Kings 12:2

3и послаша, и призваша его. И прииде Иеровоам и весь сонм Израилев, и рекоша людие к царю Ровоаму глаголюще:Select 1 Kings 12:3

4отец твой отягчи ярем наш, ты же ныне облегчи от работы отца твоего жестокия и от ярма его тяжкаго, егоже возложи на ны, и поработаем ти.Select 1 Kings 12:4

5И рече к ним: отидите (и пребудите) до третияго дне, и возвратитеся ко мне. И идоша.Select 1 Kings 12:5

6И возвести Ровоам царь старейшинам, иже быша предстояще пред Соломоном отцем его, еще живу ему сущу, глаголя: како вы мыслите, да отвещаю людем сим слово?Select 1 Kings 12:6

7И реша ему, глаголюще: аще в днешний день будеши раб людем сим и поработаеши им, и речеши им словеса блага, и будут ти раби во вся дни.Select 1 Kings 12:7

8И пренебреже совет старейшин, яже совещаша ему, и советова со отроки воспитанными с ним предстоявшими пред лицем его,Select 1 Kings 12:8

9и рече им: что вы совещаваете? И что отвещаю людем сим, иже реша ко мне, глаголюще: облегчи наш ярем, егоже возложи отец твой на ны?Select 1 Kings 12:9

10И глаголаша к нему отроцы воспитаннии с ним и реша ему: сице да глаголеши людем сим, иже реша к тебе, глаголюще: отец твой отягчи ярем наш: ты же ныне облегчи от нас: сия речеши к ним: юность моя толстее чресл отца моего:Select 1 Kings 12:10

11и ныне отец мой наложи на вы ярем тяжек, аз же приложу к ярму вашему: отец мой наказа вы ранами, аз же накажу вы скорпионами.Select 1 Kings 12:11

12И прииде весь Израиль к царю Ровоаму в день третий, якоже рече им царь, глаголя: возвратитеся ко мне в день третий.Select 1 Kings 12:12

13И отвеща царь к людем жестоко: и остави царь Ровоам совет старейшин, яже совещаша ему,Select 1 Kings 12:13

14и рече к ним по совету отроков, глаголя: отец мой отягчи ярем ваш, аз же приложу к ярму вашему: отец мой наказа вы ранами, аз же накажу вы скорпионами.Select 1 Kings 12:14

15И не послуша царь людий, яко бе превращение от Господа, яко да утвердит глаголгол Свой, егоже глагола рукою Ахии Силонитянина о Иеровоаме сыне Наватове.Select 1 Kings 12:15

16И виде весь Израиль, яко не послуша царь гласа их, и отвещаша людие царю, глаголюще: кая нам часть в Давиде? И несть нам наследия в сыне Иессеове: бежи, Израилю, в кровы своя: ныне паси дом твой, Давиде. И отиде Израиль в кровы своя.Select 1 Kings 12:16

17Над сынми же Израилевыми, иже живяху во градех Иудиных, воцарися Ровоам над ними.Select 1 Kings 12:17

18И посла царь Ровоам Адонирама, иже над данию, и поби его камением весь Израиль, и умре. Царь же Ровоам потщася взыти на колесницу убежати во Иерусалим.Select 1 Kings 12:18

19И отложися Израиль от дому Давидова даже до днесь.Select 1 Kings 12:19

20И бысть егда услыша весь Израиль, яко возвратися Иеровоам от Египта, и послаша, и призваша его на собор, и воцариша его над Израилем: и не бе вслед дому Давидова, токмо хоругвь Иудина и Вениаминова.Select 1 Kings 12:20

21И Ровоам вниде во Иерусалим и собра весь сонм Иудин и хоругвь Вениаминю, сто и двадесять тысящ юношей, творящих брань, ратовати на дом Израилев, еже возвратити царство Ровоаму сыну Соломоню.Select 1 Kings 12:21

22И бысть слово Господне ко Самею человеку Божию, глаголя:Select 1 Kings 12:22

23рцы к Ровоаму сыну Соломоню царю Иудину и ко всему дому Иудину и Вениаминову и ко оставшымся людем, глаголя:Select 1 Kings 12:23

24тако глаголет Господь: не восходите, ниже ратуйте на братию вашу, на сыны Израилевы: но возвратитеся кийждо в домы своя, яко от Мене бысть глаголгол сей. И послушаша словесе Господня, и престаша ити по глаголголу Господню.Select 1 Kings 12:24

25И созда Иеровоам Сикиму в горе Ефремли, и вселися в ней, и изыде оттуду, и созда Фануила.Select 1 Kings 12:25

26И рече Иеровоам в сердцы своем: се, ныне возвратится царство в дом Давидов,Select 1 Kings 12:26

27аще взыдут людие сии вознести жертву в храме Господни во Иерусалим, и обратится сердце людий ко Господу и господину своему, к Ровоаму царю Иудину, и убиют мя, и возвратятся к Ровоаму царю Иудину.Select 1 Kings 12:27

28И усоветова царь, и сотвори две юницы златы, и рече к людем: довлеет вам восходити во Иерусалим: се, бози твои, Израилю, изведшии тя из земли Египетския.Select 1 Kings 12:28

29И постави едину в Вефили, а другую в Дане.Select 1 Kings 12:29

30И бысть слово сие на согрешение, и идяху людие пред лицем юницы единыя даже до Дана, и оставиша храм Господень.Select 1 Kings 12:30

31И сотвори капища на высоких, и сотвори жерцов часть от людий, иже не беша от сынов Левииных.Select 1 Kings 12:31

32И сотвори Иеровоам праздник в осмый месяц в пятыйнадесять день месяца, по празднику, иже в земли бе Иудине, и взыде на олтарь, егоже сотвори в Вефили, жрети юницам, яже сотвори, и постави в Вефили жерцы на высоких, яже сотвори.Select 1 Kings 12:32

33И взыде на олтарь, егоже сотвори в Вефили, в осмый месяц, в пятыйнадесять день в праздник, егоже состави по сердцу своему: и сотвори праздник сыном Израилевым, и взыде на олтарь еже пожрети.Select 1 Kings 12:33