131 Kings 13

1И се, человек Божий прииде от Иуды по словеси Господню в Вефиль, и Иеровоам стояше на олтари своем жрети хотя:Select 1 Kings 13:1

2и воззва ко олтарю словом Господним и рече: олтарю, олтарю, сице глаголет Господь: се, сын раждается дому Давидову, Иосиа имя ему, и пожрет на тебе жерцы, иже на высоких жрущыя на тебе, и кости человеческия сожжет на тебе.Select 1 Kings 13:2

3И даст в день той чудо, глаголя: сей глаголгол, егоже рече Господь, глаголя: се, олтарь разсядется, и излиется тук иже на нем.Select 1 Kings 13:3

4И бысть егда услыша царь Иеровоам словеса человека Божия воззвавшаго ко олтарю иже в Вефили, и простре царь руку свою от олтаря, глаголя: имите его. И се, усше рука его, юже простре нань, и не можаше возвратити ю к себе:Select 1 Kings 13:4

5и олтарь разседеся, и излияся тук от олтаря, по чудеси, еже даде человек Божий словом Господним.Select 1 Kings 13:5

6И рече царь Иеровоам человеку Божию: помолися ныне пред лицем Господа Бога твоего, дабы возвратилася рука моя ко мне. И помолися человек Божий пред лицем Господним, и возвратися рука царя к нему, и бысть якоже прежде.Select 1 Kings 13:6

7И глагола царь к человеку Божию: вниди со мною в дом, и обедай, и дам ти дар.Select 1 Kings 13:7

8И рече человек Божий к цареви: аще даси ми пол дому твоего, не вниду с тобою, ниже ям хлеба, ниже пию воды на месте сем,Select 1 Kings 13:8

9яко тако заповеда ми Господь словом, глаголя: ни яждь хлеба, ни пий воды, ниже возвратися путем, имже шел еси.Select 1 Kings 13:9

10И отиде путем иным, и не возвратися путем, имже прииде во Вефиль.Select 1 Kings 13:10

11И пророк един стар живяше в Вефили, и приидоша сынове его и поведаша ему вся дела, яже сотвори человек Божий в день той в Вефили, и словеса, яже глагола цареви, поведаша отцу своему.Select 1 Kings 13:11

12И рече к ним отец их, глаголя: киим путем иде? И показаша ему сынове его путь, имже иде человек Божий изшедый от Иуды.Select 1 Kings 13:12

13И рече сыном своим: оседлайте ми осля. И оседлаша ему осля, и вседе на не,Select 1 Kings 13:13

14и иде вслед человека Божия, и обрете его под дубом седяща, и рече ему: ты ли еси человек Божий пришедый от Иуды? И рече ему: аз.Select 1 Kings 13:14

15И рече ему: гряди со мною, и яждь хлеб.Select 1 Kings 13:15

16И рече ему: не могу возвратитися с тобою, ниже ям хлеба, ни пию воды на месте сем,Select 1 Kings 13:16

17яко тако заповеда ми Господь словом, глаголя: не яждь хлеба тамо, ниже пий воды тамо, и да не возвратишися путем тем, имже шел еси.Select 1 Kings 13:17

18И рече к нему: и аз пророк есмь якоже ты, и Ангел глагола ко мне словом Господним, глаголя: возврати его к себе в дом твой, да снест хлеба и пиет воду. И солга ему,Select 1 Kings 13:18

19и возврати его: и яде хлеб, и пи воду в дому его.Select 1 Kings 13:19

20И бысть им седящым на трапезе, и бысть слово Господне ко пророку возвращшему его.Select 1 Kings 13:20

21И рече к человеку Божию пришедшему от Иуды, глаголя: сице глаголет Господь: понеже преогорчил еси глаголгол Господень и не сохранил еси заповеди, юже заповеда тебе Господь Бог твой,Select 1 Kings 13:21

22и возвратився ял еси хлеб и пил еси воду на месте сем, о немже рече к тебе, глаголя: да не яси хлеба и не пиеши воды: сего ради не внидет во гроб тело твое со отцы твоими.Select 1 Kings 13:22

23И бысть по ядении хлеба и по питии воды, и оседла осля тому пророку, и возвратися, и отиде:Select 1 Kings 13:23

24и обрете его лев на пути, и умертви его: и бе тело его повержено на пути, и осел стояше над ним, и лев стояше близ телесе (его):Select 1 Kings 13:24

25и се, мужие мимоидуще, и видеша мертва повержена на пути и льва стояща близ мертваго: и приидоша, и поведаша во граде, в немже живяше пророк старый.Select 1 Kings 13:25

26И услыша (сие пророк) возвративый его с пути и рече: человек Божии сей есть, иже преступи глаголгол Божий, и предаде его Господь льву, и сокруши его, и умертви его по глаголголу Господню, егоже рече ему.Select 1 Kings 13:26

27И повеле сыном своим, глаголя: оседлайте ми осля. И оседлаша.Select 1 Kings 13:27

28И пойде, и обрете тело его повержено на пути, и осел и лев стояста над телом, и не снеде лев телесе человека Божия и не сокруши осла.Select 1 Kings 13:28

29И взя пророк тело человека Божия, и возложи е на осля, и возврати е пророк, и вниде во град погребсти его,Select 1 Kings 13:29

30и положи тело его во гробе своем, и рыдаше по нем: увы, брате.Select 1 Kings 13:30

31И бысть по рыдании о нем, и рече к сыном своим, глаголя: аще умру, погребите мя во гробе сем, идеже человек Божий погребен есть, при костех его положите мя, да спасутся кости моя с костьми его,Select 1 Kings 13:31

32яко сбудется глагол, егоже глагола словом Господним о олтари, иже во Вефили, и о домех высоких, иже в Самарии.Select 1 Kings 13:32

33И по глаголе сем не обратися Иеровоам от злобы своея, и возвратися, и сотвори от части единыя людий жерцы высоких: иже хотяше, исполняше руку свою, и бываше жрец на высоких.Select 1 Kings 13:33

34И бысть глагол сей в прегрешение дому Иеровоамлю, и на испровержение, и на изчезновение от лица земли.Select 1 Kings 13:34