181 Kings 18

1И бысть по днех мнозех, и глагол Господень бысть ко Илии в лето третие глаголя: иди и явися Ахааву, и дам дождь на лице земли.Select 1 Kings 18:1

2И иде Илиа ко Ахааву явитися, и бе глад крепок в Самарии.Select 1 Kings 18:2

3И призва Ахаав Авдиа строителя дому: и Авдий бе бояся Господа зело.Select 1 Kings 18:3

4И бысть егда нача избивати Иезавель пророки Господни, и взя Авдий сто мужей пророки и скры я по пятидесяти во двоих вертепех и кормяше их хлебом и водою.Select 1 Kings 18:4

5И рече Ахаав ко Авдию: гряди, и прейдем на землю, и на источники водныя, и на вся потоки, да негли како обрящем былие и прекормим кони и мски, да не изгибнут от скот.Select 1 Kings 18:5

6И разделиша себе путь ити по нему: Ахаав иде путем единым един, и Авдий иде путем другим един.Select 1 Kings 18:6

7И бе Авдий един на пути: и прииде Илиа на сретение ему един. И Авдий потщася, и паде на лице свое и рече: ты ли еси сам, господи мой Илие?Select 1 Kings 18:7

8И рече Илиа ко Авдию: аз есмь: иди и повеждь господину твоему, глаголя: се, Илиа.Select 1 Kings 18:8

9И рече Авдий: что согреших аз, яко предаеши раба твоего в руце Ахаавли еже умертвити мя?Select 1 Kings 18:9

10Жив Господь Бог твой, аще есть язык или царство, аможе не посла господин мой искати тебе: и реша, несть: и закля царство и страны его, яко не обрете тебе:Select 1 Kings 18:10

11и ныне ты глаголеши ми: иди, возвести господину твоему: се, Илиа:Select 1 Kings 18:11

12и будет егда аз отиду от тебе, и Дух Господень возмет тя в землю, еяже не вем, и вниду возвестити Ахааву, и не обрящет тебе, и убиет мя: раб же твой есть бояйся Господа от юности своея:Select 1 Kings 18:12

13или не возвестися тебе господину моему, яже сотворих, егда убиваше Иезавель пророки Господни, и сокрых пророки Господни сто мужей, по пятидесяти в вертепе, и кормих их хлебом и водою?Select 1 Kings 18:13

14И ныне ты глаголеши ми: иди, повеждь господину твоему: се, Илиа: и убиет мя.Select 1 Kings 18:14

15И рече Илиа: жив Господь Сил, емуже предстою пред Ним, яко днесь покажуся ему.Select 1 Kings 18:15

16И иде Авдий во сретение Ахааву и возвести ему. И ускори Ахаав и иде во сретение Илии.Select 1 Kings 18:16

17И бысть егда узре Ахаав Илию, и рече Ахаав ко Илии: ты ли еси развращаяй Израиля?Select 1 Kings 18:17

18И рече Илиа: не развращаю аз Израиля, но разве ты и дом отца твоего, егда остависте вы Господа Бога вашего и идосте вслед Ваала:Select 1 Kings 18:18

19и ныне посли и собери ко мне всего Израиля на гору Кармилскую, и пророки студныя Вааловы четыреста и пятьдесят, и пророков дубравных четыреста, ядущих трапезу Иезавелину.Select 1 Kings 18:19

20И посла Ахаав во весь Израиль, и приведе вся пророки на гору Кармилскую.Select 1 Kings 18:20

21И приведе ко всем им Илию, и рече им Илиа: доколе вы храмлете на обе плесне вашы? Аще есть Господь Бог, идите вслед Его: аще же Ваал есть, то идите за ним. И не отвещаша людие словесе.Select 1 Kings 18:21

22И рече Илиа к людем: аз остах пророк Господень един: и пророцы Вааловы четыреста и пятьдесят мужей, и пророков дубравных четыреста.Select 1 Kings 18:22

23(И рече Илиа:) да дадят нам два вола, и да изберут себе единаго, и да растешут и (на уды), и возложат на дрова, и да не возгнетят огня: и аз растешу вола другаго, и возложу на дрова, и огня не возгнещу:Select 1 Kings 18:23

24и да призовете имена богов ваших, и аз призову имя Господа Бога моего: и будет Бог, Иже аще послушает огнем, Той есть Бог. И отвещаша вси людие и реша: добр глагол (Илиин), егоже глагола (да будет тако).Select 1 Kings 18:24

25И рече Илиа пророком студным: изберите себе юнца единаго, и сотворите вы прежде, яко вас есть множество: и призовите имена богов ваших, и огня не возгнещайте.Select 1 Kings 18:25

26И пояша юнца, и сотвориша (тако), и призываху имя Ваалово от утра до полудне, и реша: послушай нас, Ваале, послушай нас. И не бе гласа, ни послушания. И ристаху около жертвенника, егоже сотвориша.Select 1 Kings 18:26

27И бысть в полудне, и поругася им Илиа Фесвитянин и рече: зовите гласом великим, яко бог есть, яко непраздность ему есть, и негли что ино строит, или спит сам, и востанет.Select 1 Kings 18:27

28И зовяху гласом великим, и крояхуся по обычаю своему ножами, и мнози бишася бичми, до пролития крове своея,Select 1 Kings 18:28

29и прорицаху, дондеже прейде вечер: и бысть егда прииде время взыти жертве, и не бе гласа, ниже послушания. И рече Илиа Фесвитянин пророком студным, глаголя: отступите ныне, да и аз сотворю жертву мою. И отступиша тии, и умолкнуша.Select 1 Kings 18:29

30И рече Илиа к людем: приступите ко мне. И приступиша вси людие к нему.Select 1 Kings 18:30

31И взя Илиа дванадесять камений по числу колен Израилевых, якоже глагола к нему Господь, глаголя: Израиль будет имя твое.Select 1 Kings 18:31

32И созда камение во имя Господне, и изцели олтарь раскопанный, и сотвори море вмещающее две меры семене окрест олтаря.Select 1 Kings 18:32

33И воскладе дрова на олтарь, егоже сотвори, и растеса на уды всесожегаемая, и возложи на дрова, и воскладе на олтарь.Select 1 Kings 18:33

34И рече Илиа: принесите ми четыри водоносы воды, и возливайте на всесожжение и на полена. И сотвориша тако. И рече: удвойте. И удвоиша. И рече: утройте. И утроиша.Select 1 Kings 18:34

35И прохождаше вода окрест олтаря, и море исполнися воды.Select 1 Kings 18:35

36И возопи Илиа на небо и рече: Господи Боже Авраамов и Исааков и Иаковль, послушай мене, Господи, послушай мене днесь огнем, и да уразумеют вси людие сии, яко Ты еси Господь един Израилев, и аз раб Твой, и Тебе ради сотворих дела сия:Select 1 Kings 18:36

37послушай мене, Господи, послушай мене огнем, и да разумеют вси людие сии, яко Ты еси (един) Господь Бог, и Ты обратил еси сердца людий сих вслед Тебе.Select 1 Kings 18:37

38И спаде огнь от Господа с небесе, и пояде всесожегаемая, и дрова, и воду, яже в мори, и камение и персть полиза огнь.Select 1 Kings 18:38

39И падоша вси людие на лице свое и реша: воистинну Господь Бог Той есть Бог.Select 1 Kings 18:39

40И рече Илиа к людем: поимайте пророки Вааловы, да ни един скрыется от них. И яша их, и веде я Илиа на поток Киссов, и закла их тамо.Select 1 Kings 18:40

41И рече Илиа ко Ахааву: взыди, и яждь и пий, яко глас есть дождевнаго хождения.Select 1 Kings 18:41

42И взыде Ахаав ясти и пити. Илиа же взыде на Кармил, и преклонися на землю, и положи лице свое между коленома своима,Select 1 Kings 18:42

43и рече отрочищу своему: взыди и воззри на путь морский. И взыде, и воззре отрочищь, и рече: несть ничтоже. И рече Илиа: и ты обратися седмижды.Select 1 Kings 18:43

44И обратися отрочищь седмижды: и бысть в седмое, и се, облак мал, аки след ноги мужеския, возносящь воду из моря. И рече: взыди и рцы Ахааву: впрязи колесницу твою и сниди, да не постигнет тебе дождь.Select 1 Kings 18:44

45И бысть до зде и до зде, и небо примрачися облаки и духом, и бысть дождь велий. И плакася, и иде Ахаав до Иезраеля.Select 1 Kings 18:45

46И рука Господня бысть на Илии, и стягне чресла своя, и тече пред Ахаавом во Иезраель.Select 1 Kings 18:46