31 Peter 3

1Такожде же и жены, повинующяся своим мужем, да и аще нецыи не повинуются слову, женским житием без слова пленени будут,Select 1 Peter 3:1

2видевше еже со страхом чисто житие ваше.Select 1 Peter 3:2

3Умже да будет не внешняя, плетения влас и обложения злата, или одеяния риз, лепота,Select 1 Peter 3:3

4но потаеный сердца человек, в неистлении кроткаго и молчаливаго духа, еже есть пред Богом многоценно.Select 1 Peter 3:4

5Тако бо иногда и святыя жены, уповающыя на Бога, украшаху себе, повинующяся своим мужем:Select 1 Peter 3:5

6якоже Сарра послушаше Авраама, господина того зовущи: еяже бысте чада, благотворящя и не боящяся ни единаго страха.Select 1 Peter 3:6

7Мужие такожде, вкупе живуще со своими женами по разуму, яко немощнейшу сосуду женскому воздающе честь, яко и снаследницы благодатныя жизни, во еже не прекращатися молитвам вашым.Select 1 Peter 3:7

8Конец же, вси единомудрени будите, милостиви, братолюбцы, милосердни, благоутробни, мудролюбцы, смиреномудри:Select 1 Peter 3:8

9не воздающе зла за зло, или досаждения за досаждение: супротивное же, благословяще, ведяще, яко на се звани бысте, да благословение наследите.Select 1 Peter 3:9

10Хотяй бо живот любити и видети дни благи, да удержит язык свой от зла, и устне свои еже не глаголати льсти.Select 1 Peter 3:10

11Да уклонится от зла, и да сотворит благо, да взыщет мира и да держится его:Select 1 Peter 3:11

12зане очи Господни на праведныя, и ушы Его в молитву их, лице же Господне на творящыя злая, еже потребити их от земли.Select 1 Peter 3:12

13И кто озлобит вас, аще благому подобницы будете?Select 1 Peter 3:13

14Но аще и страждете правды ради, блажени есте: страха же их не убойтеся, ниже смущайтеся.Select 1 Peter 3:14

15Господа же Бога освятите в сердцах ваших: готови же присно ко ответу всякому вопрошающему вы словесе о вашем уповании, с кротостию и страхом:Select 1 Peter 3:15

16совесть имуще благу, да о немже клевещут вас аки злодеев, постыдятся злословящии ваше благое о Христе житие.Select 1 Peter 3:16

17Лучше бо есть благое творящым, аще хощет воля Божия, пострадати, нежели зло творящым:Select 1 Peter 3:17

18зане и Христос единою о гресех наших пострада, праведник за неправедники, да приведет ны Богови, умерщвлен убо быв плотию, ожив же духом:Select 1 Peter 3:18

19о немже и сущым в темнице духовом сошед проповеда,Select 1 Peter 3:19

20противльшымся иногда, егда ожидаше Божие долготерпение, во дни Ноевы, делаему ковчегу, в немже мало, сиречь осмь душ, спасошася от воды.Select 1 Peter 3:20

21Егоже воображение ныне и нас спасает крещение, не плотския отложение скверны, но совести благи вопрошение у Бога, воскресением Иисус Христовым,Select 1 Peter 3:21

22Иже есть о десную Бога, возшед на небо, покоршымся Ему Ангелом и Властем и Силам.Select 1 Peter 3:22