41 Peter 4

1Христу убо пострадавшу за ны плотию, и вы в ту же мысль вооружитеся: зане пострадавый плотию, преста от греха,Select 1 Peter 4:1

2во еже не ктому человеческим похотем, но воли Божией прочее во плоти жити время.Select 1 Peter 4:2

3Довлеет бо вам мимошедшее время жития, волю языческую творившым, хождшым в нечистотах, в похотех, в мужеложстве, в скотоложстве, в помыслех, в пиянстве, в козлогласованиих, в лихоимании и богомерзких идолослужениих:Select 1 Peter 4:3

4о немже дивятся, не сходящымся вам в тоже блуда разлияние, хуляще:Select 1 Peter 4:4

5иже воздадят слово готову Сущему судити живым и мертвым.Select 1 Peter 4:5

6На се бо и мертвым благовестися, да суд убо приимут по человеку плотию, поживут же по Бозе духом.Select 1 Peter 4:6

7Всем же кончина приближися. Уцеломудритеся убо и трезвитеся в молитвах.Select 1 Peter 4:7

8Прежде же всех друг ко другу любовь прилежну имейте, зане любовь покрывает множество грехов.Select 1 Peter 4:8

9Страннолюбцы друг ко другу, без роптании.Select 1 Peter 4:9

10Кийждо якоже прият дарование, между себе сим служаще, яко добрии строителие различныя благодати Божия.Select 1 Peter 4:10

11Аще кто глаголет, яко словеса Божия: аще кто служит, яко от крепости, юже подает Бог: да о всем славится Бог Иисус Христом, Емуже есть слава и держава во веки веков. Аминь.Select 1 Peter 4:11

12Возлюбленнии, не дивитеся еже в вас раждежению ко искушению вам бываему, яко чужду вам случающуся:Select 1 Peter 4:12

13но понеже приобщаетеся Христовым страстем, радуйтеся, яко да и в явление славы Его возрадуетеся веселящеся.Select 1 Peter 4:13

14Аще укоряеми бываете о имени Христове, блажени есте яко Славы и Божий Дух на вас почивает: онеми убо хулится, а вами прославляется.Select 1 Peter 4:14

15Да не кто убо от вас постраждет яко убийца, или яко тать, или яко злодей, или яко чуждопосетитель:Select 1 Peter 4:15

16аще ли же яко Христианин, да не стыдится, да прославляет же Бога в части сей.Select 1 Peter 4:16

17Яко время начати суд от дому Божия: аще же прежде от вас, кая кончина противящымся Божию Евангелию?Select 1 Peter 4:17

18И аще праведник едва спасется, нечестивый и грешный где явится?Select 1 Peter 4:18

19Темже и страждущии по воли Божией, яко верну Зиждителю да предадят душы своя во благотворении.Select 1 Peter 4:19