51 Peter 5

1Старцы иже в вас молю, яко старец сый и свидетель Христовым страстем, иже и хотящей славе явитися общник:Select 1 Peter 5:1

2пасите еже в вас стадо Божие, посещающе не нуждею, но волею и по Бозе, ниже неправедными прибытки, но усердно,Select 1 Peter 5:2

3ни яко обладающе причту, но образи бывайте стаду:Select 1 Peter 5:3

4и явльшуся Пастыреначальнику, приимете неувядаемый славы венец.Select 1 Peter 5:4

5Такоже юнии, повинитеся старцем: вси же друг другу повинующеся, смиреномудрие стяжите, зане Бог гордым противится, смиренным же дает благодать.Select 1 Peter 5:5

6Смиритеся убо под крепкую руку Божию, да вы вознесет во время:Select 1 Peter 5:6

7всю печаль вашу возвергше Нань, яко Той печется о вас.Select 1 Peter 5:7

8Трезвитеся, бодрствуйте, зане супостат ваш диавол, яко лев рыкая, ходит, иский кого поглотити:Select 1 Peter 5:8

9емуже противитеся тверди верою, ведуще, яко теже страсти случаются вашему братству, еже в мире.Select 1 Peter 5:9

10Бог же всякия благодати, призвавый вас в вечную Свою славу о Христе Иисусе, мало пострадавшыя, Той да совершит вы, да утвердит, да укрепит, да оснует.Select 1 Peter 5:10

11Тому слава и держава во веки веков. Аминь.Select 1 Peter 5:11

12Силуаном вам верным братом, яко непщую, вмале написах, моля и засвидетельствуя сей быти истинней благодати Божией, в нейже стоите.Select 1 Peter 5:12

13Целует вы яже в Вавилоне соизбранная, и Марко сын мой.Select 1 Peter 5:13

14Целуйте друг друга лобзанием любве. Мир вам всем о Христе Иисусе. Аминь.Select 1 Peter 5:14