151 Samuel 15

1И рече Самуил к Саулу: посла мя Господь помазати тя на царство в людех Его во Израили: и ныне послушай гласа словес Господних:Select 1 Samuel 15:1

2сия рече Господь Саваоф: ныне отмщу, яже сотвори Амалик Израилю, егда срете его на пути, восходящу ему от Египта:Select 1 Samuel 15:2

3и ныне ты иди, и поразиши Амалика и Иерима, и вся яже суть его, и не снабдиши от них (ничтоже), и искорениши его: и прокленеши его и вся сущая его, и не пощадиши его: и да убиеши от мужеска полу и до женска и от юнош и до ссущих млеко, и от говяд до овец и от велблюд до ослят.Select 1 Samuel 15:3

4И собра люди Саул и сочте я в Галгалех двесте тысящ пеших и десять тысящ от Иуды в полцех:Select 1 Samuel 15:4

5и прииде Саул до градов Амаликовых и засяде в потоце.Select 1 Samuel 15:5

6И рече Саул ко Кинеови: иди и уклонися от среды Амалика, да не погублю тя с ним, ты бо сотворил еси милость с сынми Израилевыми, егда исхождаху из Египта. И уклонися Киней от среды Амалика.Select 1 Samuel 15:6

7И порази Саул Амалика от Евилы даже до Сура, иже пред лицем Египта:Select 1 Samuel 15:7

8и ят Агага царя Амаликова жива, и вся люди изби, и Иерима уби мечем.Select 1 Samuel 15:8

9И сохрани Саул и вси людие Агага царя жива и благая от стад и буйволов, и снедей (и одежд), и виноградов и от всех благих: и не хотяху искоренити я, точию хуждшее и уничиженое истребиша.Select 1 Samuel 15:9

10И бысть глаголгол Господень к Самуилу, глаголя:Select 1 Samuel 15:10

11раскаяхся, яко помазах Саула на царство, понеже отвратися от Мене и словес Моих не соблюде. И опечалися Самуил и вопияше ко Господу всю нощь.Select 1 Samuel 15:11

12И воста рано Самуил, и идяше на сретение Израилтяном рано. И возвестиша Самуилу, глаголюще: идет Саул в Кармил, и се, воздвиже руку себе, и возврати колесницу, и сниде в Галгалы. И прииде Самуил к Саулу, и се, той возношаше всесожжение Господу, первая от корыстей, ихже взя от Амаликов.Select 1 Samuel 15:12

13И прииде Самуил к Саулу, и рече ему Саул: благословен ты Господу, сотворих бо вся, елика (ми) глагола Господь.Select 1 Samuel 15:13

14И рече Самуил: и кий глас стад сих во ушию моею, и глас говяд, егоже аз слышу?Select 1 Samuel 15:14

15И рече Саул: от Амалика пригнах я, ихже сохраниша людие лучшая от стад и от волов, еже пожрети я Господу Богу твоему, прочая же избих.Select 1 Samuel 15:15

16И рече Самуил к Саулу: потерпи, и возвещу ти, яже глагола Господь ко мне нощию.Select 1 Samuel 15:16

17И рече ему (Саул): глаголи. И рече Самуил к Саулу: еда не мал был еси ты пред Ним, и не властелина ли тя постави хоругви колена Израилева? И помаза тя Господь на царство Израилево:Select 1 Samuel 15:17

18и посла тя Господь путем и рече тебе: иди и искорени Амалика, и погуби согрешших предо Мною, и воюй их, дондеже скончаеши их:Select 1 Samuel 15:18

19и почто не послушал еси гласа Господня по всему, елико глагола тебе, но устремился еси на корысти и сотворил еси лукавое пред Господем?Select 1 Samuel 15:19

20И рече Саул к Самуилу: послушах гласа людий и идох путем, имже посла мя Господь, и приведох Агага царя Амаликова, и Амалики искорених:Select 1 Samuel 15:20

21и взяша людие корысти от стад и буйволы, первая от истребляемых на пожрение Господу Богу нашему в Галгалех.Select 1 Samuel 15:21

22И рече Самуил: еда угодны Господу всесожжения и жертвы, якоже послушати гласа Господня? Се, послушание паче жертвы благи, и покорение паче тука овня:Select 1 Samuel 15:22

23якоже грех есть чарование, тако (грех есть) противление, и якоже грех есть идолопоклонение, тако непокорение: понеже уничижил еси глаголгол Господень, и уничижит тя Господь не быти тебе царем во Израили.Select 1 Samuel 15:23

24И рече Саул к Самуилу: согреших, яко преступих слово Господне и глагол твой, убояхся бо людий и послушах гласа их:Select 1 Samuel 15:24

25и ныне возми грех мой и возвратися со мною, да поклонюся Господу Богу твоему.Select 1 Samuel 15:25

26И рече Самуил к Саулу: не возвращуся с тобою, яко уничижил еси глаголгол Господень, и уничижит тя Господь не быти тебе царем во Израили.Select 1 Samuel 15:26

27И отврати Самуил лице свое еже отити: и ят Саул за воскрилие ризы его и раздра е.Select 1 Samuel 15:27

28И рече ему Самуил: раздра Господь царство Израилево от руку твоею днесь, и даст е ближнему твоему, лучшему паче тебе,Select 1 Samuel 15:28

29и разделится Израиль на двое: и не обратится, ниже раскается Святый Израилев, занеже не яко человек есть, еже раскаятися Ему, запретит, и не пребудет.Select 1 Samuel 15:29

30И рече Саул: согреших, но прослави мя ныне пред старейшины Израилевы и пред людьми моими, и возвратися со мною, и поклонюся Господу Богу твоему.Select 1 Samuel 15:30

31И возвратися Самуил вслед Саула, и поклонися Саул Господу.Select 1 Samuel 15:31

32И рече Самуил: приведите ми Агага царя Амаликова. И прииде к нему Агаг трепеща, и рече Агаг: тако ли горька смерть?Select 1 Samuel 15:32

33И рече Самуил ко агагу: якоже обезчадствова жен оружие твое, тако обезчадится в женах мати твоя. И закла Самуил Агага пред Господем в Галгалех.Select 1 Samuel 15:33

34И отиде Самуил во Армафем: и Саул отиде в дом свой в Гаваю.Select 1 Samuel 15:34

35И не приложи Самуил ктому видети Саула даже до дне смерти своея, понеже плакаше Самуил о Сауле, занеже раскаяся Господь, яко постави Саула царя во Израили.Select 1 Samuel 15:35