211 Samuel 21

1И прииде Давид в Номву ко Авимелеху иерею: и ужасеся Авимелех о пришествии его и рече ему: что яко ты един, и никтоже с тобою?Select 1 Samuel 21:1

2И рече Давид иерею: царь заповеда ми глагол днесь и рече ко мне: никтоже да уразумеет глагола, егоже ради аз посылаю тя и о немже аз заповедаю ти: и отроки оставих на месте глаголемем еммоним:Select 1 Samuel 21:2

3и ныне аще суть у тебе пять хлебы, даждь ми елико имаши.Select 1 Samuel 21:3

4И отвеща иерей Давиду и рече: не суть хлебы прости у мене, но точию хлебы у мене священнии: аще сохранени отроцы суть токмо от жены, снедят.Select 1 Samuel 21:4

5И отвеща Давид иерею и рече ему: и (мы) от жен воздержахомся вчера и третияго дне: отнележе изыдох аз на путь, быша вси отроцы очищени, и сей путь нечист, но освятится днесь сосуд ради моих.Select 1 Samuel 21:5

6И даде ему Авимелех иерей хлебы предложения, яко тамо не бе хлеба, но токмо хлебы лица, иже взяты от лица Господня, еже предложитися хлебу теплому, в оньже день взя их.Select 1 Samuel 21:6

7И бе тамо един от отрок Сауловых в день он удержан пред Господем, и имя ему Доик Сирин, (старейшина от пастырь Сауловых,) пасый мски Сауловы.Select 1 Samuel 21:7

8И рече Давид ко Авимелеху: виждь, аще есть зде у тебе копие или мечь, яко меча моего и оружия моего не взях с собою, яко царево повеление внезапу ми бысть.Select 1 Samuel 21:8

9И рече иерей: се, мечь Голиафа иноплеменника, егоже ты убил еси во юдоли Ила, и той обвит бяше в ризу за ефудом: аще той хощеши взяти, возми себе, несть бо инаго зде кроме сего. И рече Давид: се, несть якоже той: даждь ми его. И даде его ему.Select 1 Samuel 21:9

10И воста Давид, и убеже в той день от лица Саулова, и прииде Давид ко Анхусу царю Гефску.Select 1 Samuel 21:10

11И реша отроцы Анхусовы к нему: не сей ли Давид царь земли? Не сему ли изыдоша (жены) ликующыя, глаголющя: победи Саул с тысящами своими, и Давид со тмами своими?Select 1 Samuel 21:11

12И положи Давид глаголы сия в сердцы своем, и убояся зело от лица Анхуса царя Гефска.Select 1 Samuel 21:12

13И измени лице свое пред ним, и притворися в день той, и бияше во врата града, яко в тимпан, и падаше на руки своя, и паде у врат града, и слины своя точаше по браде своей.Select 1 Samuel 21:13

14И рече Анхус ко отроком своим: се, видесте мужа неистова, почто его введосте ко мне?Select 1 Samuel 21:14

15Еда не имею аз неистовых, яко введосте его, да беснуется предо мною? Сей да не внидет в дом мой.Select 1 Samuel 21:15