221 Samuel 22

1И отиде Давид оттуду, и спасеся, и прииде в пещеру Одолламску: и слышавше братия его и дом отца его, приидоша к нему тамо.Select 1 Samuel 22:1

2И собрашася к нему всяк иже в нужде, и всяк должник, и всяк печальный душею, и бе ими обладаяй, и бяше с ним яко четыреста мужей.Select 1 Samuel 22:2

3И отиде Давид оттуду в Массифаф Моавитский и рече к царю Моавитску: да будут ныне отец мой и мати моя у тебе, дондеже познаю, что сотворит мне Бог.Select 1 Samuel 22:3

4И умоли лице царя Моавитска, и пребываху у него по вся дни, сущу Давиду во области той.Select 1 Samuel 22:4

5И рече Гад пророк к Давиду: не седи во области сей: иди, и да внидеши в землю Иудину. И иде Давид и пришед седе в граде Сарих.Select 1 Samuel 22:5

6И слыша Саул, яко познан бысть Давид, и мужие иже с ним: и Саул седяше на холме под дубравою яже в Раме, и копие в руку его, и вси отроцы его предстояху ему.Select 1 Samuel 22:6

7И рече Саул ко отроком своим предстоящым ему: слышите ныне, сынове Вениаминовы, аще воистинну всем вам даст сын Иессеев села и винограды и поставит вас всех в сотники и тысящники:Select 1 Samuel 22:7

8яко вси согласистеся на мя, и несть открываяй во ухо мое, егда положи завет сын мой с сыном Иессеовым, и несть от вас ни един боляй о мне и возвещаяй во ушы мои, яко воздвиже сын мой раба моего на мя врага, якоже день сей?Select 1 Samuel 22:8

9И отвеща Доик Сирин приставленый над мсками Сауловыми и рече: видех сына Иессеева пришедша в Номву ко Авимелеху сыну Ахитову иерею:Select 1 Samuel 22:9

10и вопрошаше о нем Бога, и брашно вдаде ему, и мечь Голиафа иноплеменника вдаде ему.Select 1 Samuel 22:10

11И посла царь призвати Авимелеха сына Ахитова, и вся сыны отца его иереи от Номвы. И приидоша вси к царю.Select 1 Samuel 22:11

12И рече Саул: слыши ныне, сыне Ахитов. И рече: се, аз, глаголи, господине.Select 1 Samuel 22:12

13И рече ему Саул: почто совещался еси на мя ты и сын Иессеев, яко вдал еси ему хлеб и мечь, и вопрошал еси о нем Бога положити его на мя во врага, якоже день сей?Select 1 Samuel 22:13

14И отвеща Авимелех царю и рече: и кто во всех рабех твоих верен якоже Давид, и зять царев, и князь всем заповедем твоим, и славен в дому твоем?Select 1 Samuel 22:14

15Еда днесь начах вопрошати о нем Бога? Никако: да не возложиши, царю, на раба твоего словесе сего, и на весь дом отца моего, яко не ведяше раб твой во всех сих словесе мала, или велика.Select 1 Samuel 22:15

16И рече царь Саул: смертию умреши, Авимелех, ты и весь дом отца твоего.Select 1 Samuel 22:16

17И рече царь скороходцем предстоящым пред ним: приведите и избийте иереи Господни, яко рука их с Давидом, и понеже познаша, яко бежит той, и не возвестиша во ушию моею. И не хотяху отроцы царевы возложити рук своих на иереи Господни.Select 1 Samuel 22:17

18И рече царь Доику: обратися ты, и устремися на иереи. И обратися Доик Сирин, и уби иереев Господних в той день, триста пять мужей, всех носящих ефуд:Select 1 Samuel 22:18

19и Номву град иерейский погуби острием оружия от мужеска полу и до женска, от отрока и до ссущаго, и телца и осла и овчате.Select 1 Samuel 22:19

20И угонзе един сын Авимелеха сына Ахитова, имя ему Авиафар, и бежа вслед Давида.Select 1 Samuel 22:20

21И возвести Авиафар Давиду, яко изби Саул вся иереи Господни.Select 1 Samuel 22:21

22И рече Давид ко Авиафару: ведях в день той, яко тамо бе Доик Сирин, яко возвещая возвестит Саулу: аз есмь виновен о душах дому отца твоего:Select 1 Samuel 22:22

23седи со мною, не бойся, яко идеже аще взыщу души моей место, взыщу и души твоей, яко сохранен будеши ты у мене.Select 1 Samuel 22:23