241 Samuel 24

1И воста Давид оттуду и седе во узинах Енгадди.Select 1 Samuel 24:1

2И бысть егда возвратися Саул вспять от иноплеменник, и возвестиша ему, глаголюще: се, Давид в пустыни Енгадстей.Select 1 Samuel 24:2

3И взя Саул с собою три тысящы мужей избранных от всего Израиля и иде искати Давида и мужей его прямо лицу саддеем:Select 1 Samuel 24:3

4и прииде до стад пасомых на пути, и бе тамо вертеп: и Саул вниде испразднитися, Давид же и мужие его во внутренних вертепа седяху.Select 1 Samuel 24:4

5И реша мужие Давидовы к нему: се, день сей, о немже рече Господь тебе предати врага твоего в руце твои, и сотвориши ему якоже угодно пред очима твоима. И воста Давид, и отреза воскрилие одежды Саули отай.Select 1 Samuel 24:5

6И бысть по сих, и вострепета Давиду сердце его, яко отреза воскрилие одежды Саули:Select 1 Samuel 24:6

7и рече Давид к мужем своим: никакоже ми от Господа, аще сотворю глагол сей господину моему христу Господню, еже нанести руку мою нань, яко христос Господень есть сей.Select 1 Samuel 24:7

8И увеща Давид мужы своя словесы и не даде им воставшым убити Саула. И воста Саул, и сниде на путь.Select 1 Samuel 24:8

9И изыде Давид вслед его из вертепа: и возопи Давид вслед Саула, глаголя: господине царю. И озреся Саул вслед себе, и преклонися Давид лицем своим до земли, и поклонися ему.Select 1 Samuel 24:9

10И рече Давид к Саулу: почто слушаеши словес людий глаголющих: се, Давид ищет души твоея?Select 1 Samuel 24:10

11Се, днесь видеста очи твои, яко предаде тя Господь днесь в руце мои в вертепе, и не восхотех убити тебе, и пощадех тя, и рех: не нанесу руки моея на господа моего, яко помазанник Господень сей есть:Select 1 Samuel 24:11

12и се, воскрилие одежды твоея в руце моей, аз отях воскрилие одежды твоея, и не убих тебе: и уразумей, и виждь днесь, яко несть злобы в руце моей, ниже нечестия и презорства, ниже согреших к тебе, а ты ищеши души моея изяти ю:Select 1 Samuel 24:12

13да судит Господь между мною и тобою, и да защитит мя Господь от тебе: рука же моя не будет на тя,Select 1 Samuel 24:13

14якоже глаголется притча древняя: от беззаконник изыдет преступление: рука же моя не будет на тя:Select 1 Samuel 24:14

15и ныне ты, царю Израилев, вслед кого исходиши? Кого ты гониши? Вслед ли пса умерша и вслед блохи единыя?Select 1 Samuel 24:15

16Да будет Господь судия и отмститель между мною и тобою, да видит Господь и судит суд мой, и осудит мя от руки твоея.Select 1 Samuel 24:16

17И бысть, егда сконча Давид глаголы сия, глаголя к Саулу, и рече Саул: твой ли глас сей, чадо Давиде? И воздвиже Саул глас свой и восплакася.Select 1 Samuel 24:17

18И рече Саул к Давиду: праведен еси ты паче мене, яко ты воздал ми еси благая, аз же тебе воздах злая:Select 1 Samuel 24:18

19и ты возвестил ми еси днесь, яже сотворил ми благая, яко заключи мя Господь в руки твоя днесь, и не убил мя еси:Select 1 Samuel 24:19

20и якоже аще кто обрел бы врага своего в печали, и отпустил бы его в путь благ, и Господь воздаст ему благая, якоже ты сотворил еси днесь:Select 1 Samuel 24:20

21и ныне се, аз вем, яко царюя царствовати имаши, и стати имать в руце твоей царство Израилево:Select 1 Samuel 24:21

22и ныне кленися ми Господем, яко не искорениши семене моего по мне и не погубиши имене моего от дому отца моего.Select 1 Samuel 24:22

23И клятся Давид Саулу. И отиде Саул на место свое, Давид же и мужие его взыдоша в мессеру тесную.Select 1 Samuel 24:23