81 Samuel 8

1И бысть егда состареся Самуил, и постави сыны своя судити Израилеви.Select 1 Samuel 8:1

2И сия имена сыном его: первенец Иоиль, и имя второму Авиа, судии в Вирсавеи.Select 1 Samuel 8:2

3И не поидоша сынове его путем его: и уклонишася вслед лихоимания, и приимаху дары, и развращаху суды.Select 1 Samuel 8:3

4И собрашася мужие Израилевы, и приидоша к Самуилу во АрмафемSelect 1 Samuel 8:4

5и реша ему: се, ты состарелся еси, сынове же твои не ходят по пути твоему: и ныне постави над нами царя, да судит ны, якоже и прочии языки.Select 1 Samuel 8:5

6И бысть лукав глагол пред очима Самуиловыма, яко реша: даждь нам царя, да судит ны. И помолися Самуил ко Господу.Select 1 Samuel 8:6

7И рече Господь Самуилу: послушай гласа людий, якоже глаголют к тебе, яко не тебе уничижиша, но Мене уничижиша, еже не царствовати Ми над ними:Select 1 Samuel 8:7

8по всем делом, яже сотвориша Ми, от негоже дне изведох их из земли Египетски до днешняго дне, и оставиша Мя, и послужиша богом иным, тако тии творят и тебе:Select 1 Samuel 8:8

9и ныне послушай гласа их: обаче засвидетелствуя засвидетелствуеши им и возвестиши им правду цареву, иже царствовати будет над ними.Select 1 Samuel 8:9

10И рече Самуил вся словеса Господня к людем просящым от него царя,Select 1 Samuel 8:10

11и глагола (им): сие будет оправдание царево, иже царствовати имать над вами: сыны вашя возмет и поставит я колесничники своя, и на кони всадит их, и предтекущих пред колесницами его:Select 1 Samuel 8:11

12и поставит я себе сотники и тысящники и жателми жатвы своея, и оымут оыманием гроздия его, и творити орудия воинская его и орудия колесниц его:Select 1 Samuel 8:12

13и дщери вашя возмет в мироварницы и в поварницы и в хлебницы:Select 1 Samuel 8:13

14и села ваша и винограды вашя и масличины вашя благия возмет и даст рабом своим:Select 1 Samuel 8:14

15и семена ваша и винограды вашя одесятствует и даст скопцем своим и рабом своим:Select 1 Samuel 8:15

16и рабы вашя и рабыни вашя и стада ваша благая и ослы вашя отимет и одесятствует на дела своя:Select 1 Samuel 8:16

17и пажити вашя одесятствует, и вы будете ему раби:Select 1 Samuel 8:17

18и возопиете в день он от лица царя вашего, егоже избрасте себе, и не услышит вас Господь в день он, яко вы сами избрасте себе царя.Select 1 Samuel 8:18

19И не восхотеша людие послушати Самуила и реша ему: ни, но царь да будет над нами,Select 1 Samuel 8:19

20и будем и мы якоже вси языцы: и судити имать нас царь наш, и изыдет пред нами, и поборет поборением о нас.Select 1 Samuel 8:20

21И слыша Самуил вся глаголы людий и глагола я во ушы Господеви.Select 1 Samuel 8:21

22И рече Господь к Самуилу: послушай гласа их, и постави им царя. И рече Самуил к мужем Израилевым: да идет кийждо вас во свой град.Select 1 Samuel 8:22