21 Thessalonians 2

1Сами бо весте, братие, вход наш иже к вам, яко не вотще бысть:Select 1 Thessalonians 2:1

2но предпострадавше и досаждени бывше, якоже весте, в Филиппех, дерзнухом о Бозе нашем глаголати к вам благовествование Божие со многим подвигом.Select 1 Thessalonians 2:2

3Утешение бо наше не от прелести, ни от нечистоты, ни лестию:Select 1 Thessalonians 2:3

4но якоже искусихомся от Бога верни быти прияти благовествование, тако глаголем, не аки человеком угождающе, но Богу искушающему сердца наша.Select 1 Thessalonians 2:4

5Никогдаже бо в словеси ласкания быхом к вам, якоже весте, ниже в вине лихоимания: Бог свидетель!Select 1 Thessalonians 2:5

6Ни ищуще от человек славы, ни от вас, ни от инех:Select 1 Thessalonians 2:6

7могуще в тяготе быти, якоже Христовы Апостоли, но быхом тиси посреде вас, якоже доилица греет своя чада.Select 1 Thessalonians 2:7

8Тако желающе вас, благоволихом подати вам не точию благовествование Божие, но и душы своя, занеже возлюблени бысте нам.Select 1 Thessalonians 2:8

9Помните бо, братие, труд наш и подвиг: нощь бо и день делающе, да не отяготим ни единаго от вас, проповедахом вам благовествование Божие.Select 1 Thessalonians 2:9

10Вы свидетеле и Бог, яко преподобно и праведно и непорочно вам верующым быхом,Select 1 Thessalonians 2:10

11якоже весте, зане единаго когождо вас, якоже отец чада своя,Select 1 Thessalonians 2:11

12моляще и утешающе вас, и свидетельствующе вам ходити достойно Богу, призвавшему вы во Свое Царство и славу.Select 1 Thessalonians 2:12

13Сего ради и мы благодарим Бога непрестанно, яко приемше слово слышания Божия от нас, приясте не аки слово человеческо, но, якоже есть воистинну, слово Божие, еже и действуется в вас верующих.Select 1 Thessalonians 2:13

14Вы бо подобницы бысте, братие, церквам Божиим сущым во Иудеи о Христе Иисусе, зане таяжде и вы пострадасте от своих сплеменник, якоже и тии от Иудей,Select 1 Thessalonians 2:14

15убивших и Господа Иисуса и Его пророки, и нас изгнавших, и Богу не угодивших, и всем человеком противящихся,Select 1 Thessalonians 2:15

16и возбраняющих нам глаголати языком, да спасутся, во еже исполнити им грехи своя всегда: постиже же на них гнев до конца.Select 1 Thessalonians 2:16

17Мы же, братие, осиротевше от вас ко времени часа лицем, а не сердцем, лишше тщахомся лице ваше видети многим желанием.Select 1 Thessalonians 2:17

18Темже хотехом приити к вам, аз убо Павел, единою и дважды: и возбрани нам сатана.Select 1 Thessalonians 2:18

19Кто бо нам упование или радость или венец похваления? Не и вы ли пред Господем нашим Иисус Христом во пришествии Его?Select 1 Thessalonians 2:19

20Вы бо есте слава наша и радость.Select 1 Thessalonians 2:20