31 Thessalonians 3

1Темже уже не терпяще, благоволихом остатися во Афинех едини,Select 1 Thessalonians 3:1

2и послахом Тимофеа, брата нашего и служителя Божия и споспешника нашего во благовестии Христове, утвердити вас и утешити о вере вашей,Select 1 Thessalonians 3:2

3яко ни единому смущатися в скорбех сих: сами бо весте, яко на сие истое лежим.Select 1 Thessalonians 3:3

4Ибо егда у вас бехом, предрекохом вам, яко имамы скорбети, еже и бысть, и весте.Select 1 Thessalonians 3:4

5Сего ради и аз ктому не терпя, послах разумети веру вашу, да не како искусил вы искушаяй, и вотще будет труд наш.Select 1 Thessalonians 3:5

6Ныне же пришедшу Тимофею к нам от вас и благовестившу нам веру вашу и любовь, и яко имате память о нас благу, всегда желающе нас видети, якоже и мы вас:Select 1 Thessalonians 3:6

7сего ради утешихомся, братие, о вас, во всякой скорби и нужде нашей, вашею верою:Select 1 Thessalonians 3:7

8яко мы ныне живи есмы, аще вы стоите о Господе.Select 1 Thessalonians 3:8

9Кое бо благодарение Богу можем воздати о вас, о всякой радости, еюже радуемся вас ради пред Богом нашим,Select 1 Thessalonians 3:9

10нощь и день преизлиха молящеся видети лице ваше и совершити лишение веры вашея?Select 1 Thessalonians 3:10

11Сам же Бог и Отец наш и Господь наш Иисус Христос да исправит путь наш к вам.Select 1 Thessalonians 3:11

12Вас же Господь да умножит и да избыточествит любовию друг ко другу и ко всем, якоже и мы к вам,Select 1 Thessalonians 3:12

13во еже утвердити сердца ваша непорочна в святыни пред Богом и Отцем нашим, в пришествие Господа нашего Иисуса Христа со всеми святыми Его. Аминь.Select 1 Thessalonians 3:13