51 Thessalonians 5

1А о летех и о временех, братие, не требе есть вам писати,Select 1 Thessalonians 5:1

2сами бо вы известно весте, яко день Господень, якоже тать в нощи, тако приидет.Select 1 Thessalonians 5:2

3Егда бо рекут: мир и утверждение, тогда внезапу нападет на них всегубительство, якоже болезнь во чреве имущей, и не имут избежати.Select 1 Thessalonians 5:3

4Вы же, братие, несте во тме, да день вас якоже тать постигнет:Select 1 Thessalonians 5:4

5вси бо вы сынове света есте: и сынове дне: несмы нощи, ниже тьмы.Select 1 Thessalonians 5:5

6Темже убо да не спим, якоже и прочии, но да бодрствуим и трезвимся.Select 1 Thessalonians 5:6

7Спящии бо, в нощи спят, и упивающиися в нощи упиваются.Select 1 Thessalonians 5:7

8Мы же, сынове суще дне, да трезвимся, оболкшеся в броню веры и любве и шлем упования спасения,Select 1 Thessalonians 5:8

9яко не положи нас Бог в гнев, но в получение спасения Господем нашим Иисус Христом,Select 1 Thessalonians 5:9

10умершим за нас, да, аще бдим, аще ли спим, купно с Ним живем.Select 1 Thessalonians 5:10

11Сего ради утешайте друг друга, и созидайте кийждо ближняго, якоже и творите.Select 1 Thessalonians 5:11

12Молим же вы, братие, знайте труждающихся у вас, и настоятелей ваших о Господе, и наказующих вы,Select 1 Thessalonians 5:12

13и имейте их по преизлиха в любви за дело их: мирствуйте в себе.Select 1 Thessalonians 5:13

14Молим же вы, братие, вразумляйте безчинныя, утешайте малодушныя, заступайте немощныя, долготерпите ко всем.Select 1 Thessalonians 5:14

15Блюдите, да никтоже зла за зло кому воздаст: но всегда доброе гоните и друг ко другу и ко всем.Select 1 Thessalonians 5:15

16Всегда радуйтеся.Select 1 Thessalonians 5:16

17Непрестанно молитеся.Select 1 Thessalonians 5:17

18О всем благодарите: сия бо есть воля Божия о Христе Иисусе в вас.Select 1 Thessalonians 5:18

19Духа не угашайте.Select 1 Thessalonians 5:19

20Пророчествия не уничижайте.Select 1 Thessalonians 5:20

21Вся же искушающе, добрая держите.Select 1 Thessalonians 5:21

22От всякия вещи злыя огребайтеся.Select 1 Thessalonians 5:22

23Сам же Бог мира да освятит вас всесовершенных во всем: и всесовершен ваш дух и душа и тело непорочно в пришествие Господа нашего Иисуса Христа да сохранится.Select 1 Thessalonians 5:23

24Верен Призвавый вас, Иже и сотворит.Select 1 Thessalonians 5:24

25Братие, молитеся о нас.Select 1 Thessalonians 5:25

26Целуйте братию всю лобзанием святым.Select 1 Thessalonians 5:26

27Заклинаю вы Господем, прочести послание сие пред всею святою братиею.Select 1 Thessalonians 5:27

28Благодать Господа нашего Иисуса Христа с вами. Аминь.Select 1 Thessalonians 5:28