11 Timothy 1

1Павел, посланник Иисус Христов по повелению Бога Спаса нашего и Господа Иисуса Христа упования нашего,Select 1 Timothy 1:1

2Тимофею присному чаду в вере: благодать, милость, мир от Бога Отца нашего и Христа Иисуса Господа нашего.Select 1 Timothy 1:2

3Якоже умолих тя пребыти во Ефесе, идый в Македонию, да завещаеши неким не инако учити,Select 1 Timothy 1:3

4ниже внимати баснем и родословием безконечным, яже стязания творят паче, нежели Божие строение, еже в вере.Select 1 Timothy 1:4

5Конец же завещания есть любы от чиста сердца и совести благия и веры нелицемерныя,Select 1 Timothy 1:5

6в нихже нецыи погрешивше, уклонишася в суесловия,Select 1 Timothy 1:6

7хотяще быти законоучителе, не разумеюще ни яже глаголют, ни о нихже утверждают.Select 1 Timothy 1:7

8Вемы же, яко добр закон (есть), аще кто его законне творит,Select 1 Timothy 1:8

9ведый сие, яко праведнику закон не лежит, но беззаконным и непокоривым, нечестивым (же) и грешником, неправедным и скверным, отца и матере досадителем, мужеубийцам,Select 1 Timothy 1:9

10блудником, мужеложником, разбойником, (клеветником, скотоложником,) лживым, клятвопреступником, и аще что ино здравому учению противится,Select 1 Timothy 1:10

11по благовестию славы блаженнаго Бога, еже мне уверено бысть.Select 1 Timothy 1:11

12И благодарю укрепляющаго мя Христа Иисуса Господа нашего, яко верна мя непщева, положив (мя) в службу,Select 1 Timothy 1:12

13бывша мя иногда хульника и гонителя и досадителя: но помилован бых, яко неведый сотворих в неверствии:Select 1 Timothy 1:13

14упреумножися же благодать Господа нашего (Иисуса Христа) с верою и любовию яже о Христе Иисусе.Select 1 Timothy 1:14

15Верно слово и всякаго приятия достойно, яко Христос Иисус прииде в мир грешники спасти, от нихже первый есмь аз.Select 1 Timothy 1:15

16Но сего ради помилован бых, да во мне первем покажет Иисус Христос все долготерпение, за образ хотящих веровати Ему в жизнь вечную.Select 1 Timothy 1:16

17Царю же веков нетленному, невидимому, единому премудрому Богу, честь и слава во веки веков. Аминь.Select 1 Timothy 1:17

18Сие же завещание предаю ти, чадо Тимофее, по бывших на тя прежде пророчествиих, да воинствуеши в них доброе воинство,Select 1 Timothy 1:18

19имея веру и благую совесть, юже нецыи отринувше, от веры отпадоша:Select 1 Timothy 1:19

20от нихже есть Именей и Александр, ихже предах сатане, да накажутся не хулити.Select 1 Timothy 1:20