61 Timothy 6

1Елицы суть под игом раби, своих господий всякия чести да сподобляют, да имя Божие не хулится и учение.Select 1 Timothy 6:1

2Имущии же верных господий да не нерадят о них, понеже братия суть: но паче да работают, зане верни суть и возлюблени, иже благодать восприемлющии. Сия учи и моли.Select 1 Timothy 6:2

3Аще ли кто инако учит и не приступает к здравым словесем Господа нашего Иисуса Христа и учению, еже по благоверию,Select 1 Timothy 6:3

4разгордеся, ничтоже ведый, но недугуяй о стязаниих и словопрениих, от нихже бывает зависть, рвение, хулы, непщевания лукава,Select 1 Timothy 6:4

5беседы злыя растленных человеков умом и лишенных истины, непщующих приобретение быти благочестие. Отступай от таковых.Select 1 Timothy 6:5

6Есть же снискание велие благочестие с доволством.Select 1 Timothy 6:6

7Ничтоже бо внесохом в мир сей: яве, яко ниже изнести что можем.Select 1 Timothy 6:7

8Имеюще же пищу и одеяние, сими доволни будем.Select 1 Timothy 6:8

9А хотящии богатитися впадают в напасти и сеть, и в похоти многи несмысленны и вреждающыя, яже погружают человеки во всегубителство и погибель:Select 1 Timothy 6:9

10корень бо всем злым сребролюбие есть, егоже нецыи желающе заблудиша от веры, и себе пригвоздиша болезнем многим.Select 1 Timothy 6:10

11Ты же, о, человече Божий, сих бегай: гони же правду, благочестие, веру, любовь, терпение, кротость:Select 1 Timothy 6:11

12подвизайся добрым подвигом веры, емлися за вечную жизнь, в нюже и зван был еси, и исповедал еси доброе исповедание пред многими свидетели.Select 1 Timothy 6:12

13Завещаваю ти пред Богом оживляющим всяческая, и Христом Иисусом свидетелствовавшим при Понтийстем Пилате доброе исповедание:Select 1 Timothy 6:13

14соблюсти тебе заповедь нескверну и незазорну, даже до явления Господа нашего Иисуса Христа,Select 1 Timothy 6:14

15еже во своя времена явит блаженный и един сильный, Царь царствующих и Господь господствующих,Select 1 Timothy 6:15

16един имеяй безсмертие и во свете живый неприступнем, Егоже никтоже видел есть от человек, ниже видети может: емуже честь и держава вечная. Аминь.Select 1 Timothy 6:16

17Богатым в нынешнем веце запрещай не высокомудрствовати, ниже уповати на богатство погибающее, но на Бога жива, дающаго нам вся обилно в наслаждение:Select 1 Timothy 6:17

18благое делати, богатитися в делех добрых, благоподатливым быти, общителным,Select 1 Timothy 6:18

19сокровищующе себе основание добро в будущее, да приимут вечную жизнь.Select 1 Timothy 6:19

20О, Тимофее, предание сохрани, уклоняяся скверных суесловий и прекословий лжеименнаго разума:Select 1 Timothy 6:20

21о немже нецыи хвалящеся, о вере погрешиша. Благодать с тобою. Аминь.Select 1 Timothy 6:21