12 Corinthians 1

1Павел, посланник Иисус Христов волею Божиею, и Тимофей брат, церкви Божией сущей в Коринфе, со святыми всеми сущими во всей Ахаии:Select 2 Corinthians 1:1

2благодать вам и мир от Бога Отца нашего, и Господа Иисуса Христа.Select 2 Corinthians 1:2

3Благословен Бог и Отец Господа нашего Иисуса Христа, Отец щедрот и Бог всякия утехи,Select 2 Corinthians 1:3

4утешаяй нас о всяцей скорби нашей, яко возмощи нам утешити сущыя во всяцей скорби, утешением, имже утешаемся сами от Бога.Select 2 Corinthians 1:4

5Зане якоже избыточествуют страдания Христова в нас, тако Христом избыточествует и утешение наше.Select 2 Corinthians 1:5

6Аще ли же скорбим, о вашем утешении и спасении, действующемся в терпении техже страданий, яже и мы страждем:Select 2 Corinthians 1:6

7и упование наше известно о вас. Аще ли утешаемся, о вашем утешении и спасении, ведяще, зане якоже общницы есте страстем нашым, такожде и утешению.Select 2 Corinthians 1:7

8Не бо хощем вас, братие, не ведети о скорби нашей бывшей нам во Асии, яко по премногу и паче силы отяготихомся, яко не надеятися нам и жити.Select 2 Corinthians 1:8

9Но сами в себе осуждение смерти имехом, да не надеющеся будем на ся, но на Бога возставляющаго мертвыя,Select 2 Corinthians 1:9

10Иже от толикия смерти избавил ны есть и избавляет, Наньже и уповахом, яко и еще избавит,Select 2 Corinthians 1:10

11споспешествующым и вам по нас молитвою, да от многих лиц, еже в нас дарование, многими благодарится о вас.Select 2 Corinthians 1:11

12Похваление бо наше сие есть, свидетельство совести нашея, яко в простоте и чистоте Божией, а не в мудрости плоти, но благодатию Божиею жихом в мире, множае же у вас.Select 2 Corinthians 1:12

13Не иная бо пишем вам, но яже чтете и разумеваете: уповаю же, яко и до конца уразумеете,Select 2 Corinthians 1:13

14якоже и разуместе нас от части, яко похваление вам есмы, якоже и вы нам, в день Господа нашего Иисуса Христа.Select 2 Corinthians 1:14

15И сим упованием хотех к вам приити прежде, да вторую благодать имате,Select 2 Corinthians 1:15

16и вами проити в Македонию, и паки от Македонии приити к вам, и вами проводитися во Иудею.Select 2 Corinthians 1:16

17Сие же хотя, еда что убо легкотою деях? Или яже совещаваю, по плоти совещаваю, да будет у мене еже ей, ей, и еже ни, ни.Select 2 Corinthians 1:17

18Верен же Бог, яко слово наше, еже к вам, не бысть ей и ни.Select 2 Corinthians 1:18

19Ибо Божий Сын Иисус Христос, иже у вас нами проповеданный, мною и Силуаном и Тимофеем, не бысть ей и ни, но в Нем Самем ей бысть:Select 2 Corinthians 1:19

20елика бо обетования Божия, в Том ей и в Том аминь: Богу к славе нами.Select 2 Corinthians 1:20

21Извествуяй же нас с вами во Христа и помазавый нас, Бог,Select 2 Corinthians 1:21

22Иже и запечатле нас, и даде обручение Духа в сердца наша.Select 2 Corinthians 1:22

23Аз же свидетеля Бога призываю на мою душу, яко щадя вас, ктому не приидох в Коринф,Select 2 Corinthians 1:23

24не яко обладаем верою вашею, но (яко) споспешницы есмы вашей радости: верою бо стоите.Select 2 Corinthians 1:24