102 Corinthians 10

1Сам же аз Павел молю вы кротостию и тихостию Христовою, иже в лице убо смирен в вас, не сый же у вас дерзаю в вас.Select 2 Corinthians 10:1

2Молю же, да не присущ дерзаю надеянием, имже помышляю смети на некия непщующыя нас яко по плоти ходящих.Select 2 Corinthians 10:2

3Во плоти бо ходяще, не по плоти воинствуем:Select 2 Corinthians 10:3

4оружия бо воинства нашего не плотская, но сильна Богом на разорение твердем: помышления низлагающе,Select 2 Corinthians 10:4

5и всяко возношение взимающееся на разум Божий, и пленяюще всяк разум в послушание Христово,Select 2 Corinthians 10:5

6и в готовости имуще отмстити всяко преслушание, егда исполнится ваше послушание.Select 2 Corinthians 10:6

7Иже ли пред лицем, зрите? Аще кто надеется себе Христова быти, да помышляет паки от себе, зане, якоже он Христов, такожде и мы Христовы.Select 2 Corinthians 10:7

8Аще бо и лишше что похвалюся о власти нашей, юже даде нам Господь в создание, а не на разорение ваше, не постыжуся.Select 2 Corinthians 10:8

9Но да не явлюся, яко страшя вас посланьми.Select 2 Corinthians 10:9

10Яко послания убо, рече, тяжка и крепка, а пришествие тела немощно, и слово уничиженно:Select 2 Corinthians 10:10

11сие да помышляет таковый, яко яцы же есмы словом посланий, отстояще, таковии и ту суще есмы делом.Select 2 Corinthians 10:11

12Не смеем бо судити, или прикладовати себе иным хвалящым себе самех: но сами в себе себе измеряюще, и прилагающе себе самим себе, не разумевают.Select 2 Corinthians 10:12

13Мы же не в безмерная похвалимся, но по мере правила, егоже раздели нам Бог меру, достизати даже и до вас.Select 2 Corinthians 10:13

14Не яко бо не досяжуще до вас, паче простираем себе, даже бо и до вас достигохом благовестием Христовым:Select 2 Corinthians 10:14

15не в безмерная хвалящеся в чуждих трудех, упование же имуще, растущей вере вашей, в вас величатися по правилу нашему изобильно,Select 2 Corinthians 10:15

16во еже и в дальших вас странах благовестити, не чужим правилом в готовых похвалитися.Select 2 Corinthians 10:16

17Хваляйся же, о Господе да хвалится:Select 2 Corinthians 10:17

18не хваляй бо себе сей искусен, но егоже Бог восхваляет.Select 2 Corinthians 10:18