72 Corinthians 7

1Сицева убо имуще обетования, о возлюбленнии, очистим себе от всякия скверны плоти и духа, творяще святыню в страсе Божии.Select 2 Corinthians 7:1

2Вместите ны: ни единаго обидехом, ни единаго истлихом, ни единаго лихоимствовахом.Select 2 Corinthians 7:2

3Не на осуждение глаголю: прежде бо рех, яко в сердцах наших есте, во еже умрети с вами и сожити.Select 2 Corinthians 7:3

4Много ми дерзновение к вам, многа ми похвала о вас: исполнихся утехи, преизбыточествую радостию о всяцей печали нашей.Select 2 Corinthians 7:4

5Ибо пришедшым нам в Македонию, ни единаго име покоя плоть наша, но во всем скорбяще: внеуду брани, внутрьуду боязни.Select 2 Corinthians 7:5

6Но утешаяй смиренныя, утеши нас Бог пришествием Титовым,Select 2 Corinthians 7:6

7не токмо же пришествием его, но и утешением, имже утешися о вас, поведая нам ваше желание, ваше рыдание, вашу ревность по мне, яко ми паче возрадоватися.Select 2 Corinthians 7:7

8Яко аще и оскорбих вас посланием, не раскаюся, аще и раскаял бых ся: вижду бо, яко послание оно, аще и к часу, оскорби вас.Select 2 Corinthians 7:8

9Ныне радуюся, не яко скорбни бысте, но яко оскорбистеся в покаяние: оскорбесте бо по Бозе, да ни в чемже отщетитеся от нас.Select 2 Corinthians 7:9

10Печаль бо, яже по Бозе, покаяние нераскаянно во спасение соделовает, а сего мира печаль смерть соделовает.Select 2 Corinthians 7:10

11Се бо сие самое, еже по Бозе оскорбитися вам, колико содела в вас тщание? Но ответ? Но негодование, но страх, но вожделение, но ревность, но отмщение? Во всем представисте себе чисты быти в вещи.Select 2 Corinthians 7:11

12Аще бо и писах вам, не обидевшаго ради, ниже обидимаго ради, но за еже явитися в вас тщанию нашему, еже о вас пред Богом.Select 2 Corinthians 7:12

13Сего ради утешихомся о утешении вашем: лишше же паче возрадовахомся о радости Титове, яко покоися дух его от всех вас:Select 2 Corinthians 7:13

14яко аще что ему о вас похвалихся, не посрамихся: но яко вся воистинну глаголахом вам, тако и похваление наше, еже к Титу, истинно бысть:Select 2 Corinthians 7:14

15и утроба его излиха к вам есть, воспоминающаго всех вас послушание, яко со страхом и трепетом приясте его.Select 2 Corinthians 7:15

16Радуюся убо, яко во всем дерзаю в вас.Select 2 Corinthians 7:16