82 Corinthians 8

1Сказуем же вам, братие, благодать Божию, данную в церквах Македонских:Select 2 Corinthians 8:1

2яко во мнозем искушении скорбей избыток радости их, и яже во глубине нищета их избыточествова в богатство простоты их:Select 2 Corinthians 8:2

3яко по силе их, свидетельствую, и паче силы доброхотни,Select 2 Corinthians 8:3

4со многим молением моляще нас, благодать и общение служения, еже ко святым, прияти нам:Select 2 Corinthians 8:4

5и не якоже надеяхомся, но себе вдаша первее Господеви, и нам волею Божиею:Select 2 Corinthians 8:5

6во еже умолити нам Тита, да якоже прежде начат, такожде и скончает в вас и благодать сию.Select 2 Corinthians 8:6

7Но якоже во всем избыточествуете, верою и словом, и разумом, и всяцем тщанием, и любовию, яже от вас к нам, да и в сей благодати избыточествуете.Select 2 Corinthians 8:7

8Не по повелению глаголю, но за иных тщание и вашея любве истинное искушая.Select 2 Corinthians 8:8

9Весте бо благодать Господа нашего Иисуса Христа, яко вас ради обнища богат сый, да вы нищетою Его обогатитеся.Select 2 Corinthians 8:9

10И совет даю о сем: се бо вам есть на пользу, иже не точию, еже творити, но и еже хотети, прежде начасте от прешедшаго лета.Select 2 Corinthians 8:10

11Ныне же и сие творити скончайте, да якоже бысть усердие хотети, тако будет и исполнити от сего, еже имате.Select 2 Corinthians 8:11

12Аще бо усердие предлежит, по елику аще кто имать, благоприятен есть, а не по елику не имать.Select 2 Corinthians 8:12

13Не бо да иным убо отрада, вам же скорбь: но по изравнению.Select 2 Corinthians 8:13

14В нынешнее время ваше избыточествие во онех лишение, да и онех избыток будет в ваше лишение, яко да будет равенство,Select 2 Corinthians 8:14

15якоже есть писано: иже многое, не преумножил есть: и иже малое, не умалил.Select 2 Corinthians 8:15

16Благодарение же Богови, давшему тожде тщание о вас в сердце Титово:Select 2 Corinthians 8:16

17яко моление убо прият, тщаливейший же сый, своею волею изыде к вам.Select 2 Corinthians 8:17

18Послахом же с ним и брата, егоже похвала во евангелии по всем церквам:Select 2 Corinthians 8:18

19не точию же, но и освящен от церквей с нами ходити, со благодатию сею, служимою нами к Самого Господа славе и усердию вашему:Select 2 Corinthians 8:19

20блюдущеся того, да не кто нас поречет во обилии сем служимем нами:Select 2 Corinthians 8:20

21промышляюще добрая не токмо пред Богом, но и пред человеки.Select 2 Corinthians 8:21

22Послахом же с ними и брата нашего, егоже искусихом во многих многащи встанлива суща, ныне же зело встанливейша, надеянием многим на вас.Select 2 Corinthians 8:22

23Аще ли же о Тите, общник мне и к вам споспешник: аще ли братия наша, посланницы церквей, слава Христова.Select 2 Corinthians 8:23

24Показание убо любве вашея и нашего хваления о вас, к ним покажите, и в лице церквей.Select 2 Corinthians 8:24