152 Kings 15

1В лето двадесять седмое Иеровоама царя Израилева воцарися Азариа сын Амессии царя Иудина:Select 2 Kings 15:1

2сын шестинадесяти лет бе, егда нача царствовати, и пятьдесят два лета царствова во Иерусалиме. Имя же матере его Иехелиа от Иерусалима.Select 2 Kings 15:2

3И сотвори правое пред очима Господнима по всему, елика сотвори отец его Амессиа,Select 2 Kings 15:3

4обаче высоких не разори: еще людие жряху и кадяху на высоких.Select 2 Kings 15:4

5И коснуся Господь царя, и бысть прокажен до дне смерти своея: и царствова в дому апфусоф. И Иоафам сын царев бе над домом судя людем земли тоя.Select 2 Kings 15:5

6И прочая словес Азарии, и вся елика сотвори, не сия ли написана в книзе словес дний царей Иудиных?Select 2 Kings 15:6

7И успе Азариа со отцы своими, и погребоша его со отцы его во граде Давидове. И воцарися Иоафам сын его вместо его.Select 2 Kings 15:7

8В лето тридесять осмое Азарии царя Иудина царствова Захариа сын Иеровоамль над Израилем в Самарии шесть месяц.Select 2 Kings 15:8

9И сотвори лукавое пред очима Господнима, якоже сотвориша отцы его, не отступи от всех грехов Иеровоама сына Наватова, иже в грех введе Израиля.Select 2 Kings 15:9

10И востаста нань Селлум сын Иависов и Кевлаам, и поразиста его, и умертвиста его: и воцарися Селлум вместо его.Select 2 Kings 15:10

11И прочая словес Захариевых, се, суть написана в книзе словес дний царей Израилевых.Select 2 Kings 15:11

12Сие слово Господне, еже глагола ко Ииую, рекий: сынове четвертии сядут тебе и на престоле Израилеве. И бысть тако.Select 2 Kings 15:12

13И Селлум сын Иависов воцарися во Израили: и в лето тридесять девятое Азарии царя Иудина, царствова Селлум месяц дний в Самарии.Select 2 Kings 15:13

14И взыде Манаим сын Гаддиин от Ферсилы, и прииде в Самарию, и уби Селлума сына Иависова в Самарии, и умертви его, и воцарися вместо его.Select 2 Kings 15:14

15И прочая словес Селлумовых, и совещание его, имже совещася, се, суть писана в книзе словес дний царей Израилевых.Select 2 Kings 15:15

16Тогда порази Манаим и Ферсу, и вся, яже в ней, и пределы ея от Ферсы, понеже не отверзоша ему, и разби ю и всех, иже в ней, и имущих во чреве разсече.Select 2 Kings 15:16

17В лето тридесять девятое Азарии царя Иудина, царствова Манаим сын Гаддиин над Израилем десять лет в Самарии,Select 2 Kings 15:17

18и сотвори лукавое пред очима Господнима, (во вся дни своя) не отступи от всех грехов Иеровоама сына Наватова, иже в грех введе Израиля.Select 2 Kings 15:18

19Во дни его взыде Фула царь Ассирийский на землю (Израилеву), и Манаим даде Фуле тысящу талант сребра, да будет рука его с ним, (еже укрепити царство в руку его).Select 2 Kings 15:19

20И возложи Манаим дань на Израиля, на всех сильных, дати царю Ассирийску пятьдесят сикль сребра мужу коемуждо: и возвратися царь Ассирийск, и не ста тамо в земли.Select 2 Kings 15:20

21И прочая словес Манаимовых, и вся елика сотвори, не се ли, сия написана в книзе словес дний царей Израилевых?Select 2 Kings 15:21

22И успе Манаим со отцы своими, и воцарися Факиа сын его вместо его.Select 2 Kings 15:22

23В лето пятьдесятое Азарии царя Иудина, царствова Факиа сын Манаимль над Израилем в Самарии лета два,Select 2 Kings 15:23

24и сотвори лукавое пред очима Господнима, и отступи от грехов Иеровоама сына Наватова, иже в грех введе Израиля.Select 2 Kings 15:24

25И воста на него Факей сын Ромелиин, тристат его, и уби его в Самарии близ дому царева, со Арговом и со Арием, и с ним (бяху) пятьдесят мужей от Галаадитов, и умертви его, и воцарися вместо его.Select 2 Kings 15:25

26И прочая словес Факиевых, и вся елика сотвори се, суть, писана в книзе словес дний царей Израилевых.Select 2 Kings 15:26

27В лето пятьдесят второе Азарии царя Иудина, царствова Факей сын Ромелиин над Израилем в Самарии двадесять лет,Select 2 Kings 15:27

28и сотвори лукавое пред очима Господнима, не отступи от всех грехов Иеровоама сына Наватова, иже в грех введе Израиля.Select 2 Kings 15:28

29Во дни Факеа царя Израилева прииде Фелгаффелласар царь Ассирийский, и взя Аин и Авелвефмааха, и Аоха и Кенезу, и Асора и Галаад и Галилею, всю землю Неффалимлю, и приведе я ко Ассирианом.Select 2 Kings 15:29

30И воста Осиа сын Илы на Факеа сына Ромелиина, и порази его, и умертви его, и воцарися вместо его в двадесятое лето Иоафама сына Азариина.Select 2 Kings 15:30

31И прочая словес Факеевых, и вся елика сотвори, се, сия написана в книзе словес дний царей Израилевых.Select 2 Kings 15:31

32В лето второе Факеа сына Ромелиина царя Израилева воцарися Иоафам, сын Азарии царя Иудина:Select 2 Kings 15:32

33сын двадесяти пяти лет бе, егда нача царствовати, и шестьнадесять лет царствова во Иерусалиме. Имя же матере его Иеруса дщи Садокова.Select 2 Kings 15:33

34И сотвори правое пред очима Господнима, по всему елика сотвори отец его Азариа,Select 2 Kings 15:34

35обаче высоких не разори: еще людие жряху и кадяху на высоких. Той созда двери храму Господню вышния.Select 2 Kings 15:35

36И прочая словес Иоафамовых, и вся елика сотвори, не сия ли написана в книзе словес дний царей Иудиных?Select 2 Kings 15:36

37Во дни оны начат Господь посылати на Иуду Раассона царя Сирска и Факеа сына Ромелиина.Select 2 Kings 15:37

38И успе Иоафам со отцы своими, и погребен бысть со отцы своими во граде Давида отца своего. И воцарися Ахаз сын его вместо его.Select 2 Kings 15:38