192 Kings 19

1И бысть егда услыша царь Езекиа, и раздра ризы своя, и облечеся во вретище, и вниде в дом Господень.Select 2 Kings 19:1

2И посла Елиакима строителя, и Сомнаса книгочиа и старейшины жерцев облечены во вретище ко Исаии пророку сыну Амосову.Select 2 Kings 19:2

3И реша ему: сице глаголет Езекиа: день скорби и обличения и прогневания день сей, яко приидоша сынове даже до болезнорождения, и крепости несть раждающей:Select 2 Kings 19:3

4аще како послушает Господь Бог твой всех словес Рапсаковых, егоже и посла царь Ассирийский господин его поносити Богу живому и хулити словесы, ихже слыша Господь Бог твой, и приими молитву о останце обретающемся.Select 2 Kings 19:4

5И приидоша отроцы царя Езекии и ко Исаии.Select 2 Kings 19:5

6И рече им Исаиа: сице рцыте господину вашему: тако глаголет Господь: не убойся от лица словес, ихже слышал еси, имиже похулиша Мя отроцы царя Ассирийска:Select 2 Kings 19:6

7се, Аз даю ему духа, и услышит возвещение и возвратится в землю и свою: и низложу его оружием в земли и его.Select 2 Kings 19:7

8И возвратися Рапсак и обрете и царя Ассирийска воююща на Ловну: услыша бо, яко отступи от Лахиса.Select 2 Kings 19:8

9И слыша о Фараке цари Ефиопстем, глаголя: се, изыде ратоватися с тобою. И возвратися и посла послы ко Езекии, глаголя: тако рцыте Езекии царю Иудейску:Select 2 Kings 19:9

10да не возносит тя Бог твой, на негоже ты надеешися глаголя: не имать предан быти Иерусалим в руце и царя Ассирийска:Select 2 Kings 19:10

11се, ты слышал еси вся, елика и сотвориша царие Ассирийстии всем землем, еже прокляти их, и ты ли избудеши?Select 2 Kings 19:11

12Еда избавляюще избавиша их и бози языков, ихже расточиша отцы и мои, Гозану и Харану, и Фаресу и сыны Едомли, иже во Фалассаре?Select 2 Kings 19:12

13Где есть царь Емафов и царь и Арфадов? И где есть царь града Сепфаруима, Ана и Ава?Select 2 Kings 19:13

14И прият царь Езекиа книги от руки послов и прочте я: и вниде в храм Господень, и разгну их Езекиа пред Господем,Select 2 Kings 19:14

15и молися Езекиа пред Господем и рече: Господи Боже Израилев, седяй на Херувимех, Ты еси и Бог един бо всех царствиих земли, Ты сотворил еси небо и землю:Select 2 Kings 19:15

16приклони, Господи, ухо Твое и услыши мя: отверзи, Господи, очи Твои и виждь, и услыши словеса Сеннахирима, яже посла поношая Тебе Богу живу:Select 2 Kings 19:16

17яко поистинне, Господи, опустошиша царие Ассирийстии языки,Select 2 Kings 19:17

18и даша боги их на огнь, яко не бози беша, но дела руку человечу, древа и камения, и погубиша я:Select 2 Kings 19:18

19и ныне, Господи Боже наш, спаси ны из руки его, и уразумеют вся царствия земли, яко Ты еси Господь Бог един.Select 2 Kings 19:19

20И посла Исаиа сын Амосов ко Езекии, глаголя: тако глаголет Господь Бог Сил, Бог Израилев: слышах, о нихже молился еси ко Мне, о Сеннахириме царе Ассирийсте.Select 2 Kings 19:20

21Сие слово, еже глагола Господь на него: уничижи тя и поругася тебе девица и дщи Сионя, над тобою главою своею покива дщи Иерусалимля:Select 2 Kings 19:21

22кому поносил еси, и кого похулил еси? И на кого вознесл еси глас, и воздвигл еси на высоту очи твои? На Святаго Израилева.Select 2 Kings 19:22

23Рукою послов твоих поносил еси Господу, и рекл еси: со множеством колесниц моих взыду аз на вышнюю часть горы Ливанския, и усеку величество от кедр ея и избранныя кипарисов ея, и прииду в средину чащи Кармилския:Select 2 Kings 19:23

24аз изсуших, и пиях воды чуждыя, и опустоших стопами ног моих вся реки окрестныя:Select 2 Kings 19:24

25еда не слышал еси? Издавна ю сотворих, от дний первых создах ю и принесох ю: и бысть в холмы преселников воююших грады тверды:Select 2 Kings 19:25

26и живущии в них изнемогоша рукою, сотрясошася и постыдешася, быша (яко) трава селная, или злачно былие, злак иже на зданиих, и попрания противу стоящаго:Select 2 Kings 19:26

27и седение твое, и исход твой, и вход твой разумех, и гнев твой на Мя,Select 2 Kings 19:27

28занеже разгневался еси на Мя и шум твой вниде во ушы Мои, и вложу удицу Мою в ноздри твоя и бразду во устне твои, и возвращу тя по пути, имже пришел еси.Select 2 Kings 19:28

29И сие тебе знамение, (Езекие): яждь в сие лето прозябающая самородная, и в лето второе прозябающая, и в лето третие сейте семена и жните, садите винограды, и да ясте плод их:Select 2 Kings 19:29

30и приложит спасшееся дому Иудова, оставшееся, корень доле, и сотворит плод горе,Select 2 Kings 19:30

31яко из Иерусалима изыдет останок, и спасаемый из горы Сиони: ревность Господа Сил сотворит сие.Select 2 Kings 19:31

32Сего ради тако глаголет Господь (Сил) на царя Ассирийска: не имать внити во град сей, и не имать устрелити нам стрелы, и не достигнет к нему щит, и не имать осыпати его землею:Select 2 Kings 19:32

33но путем, имже прииде темже возвратится, и во град сей не имать внити, глаголет Господь,Select 2 Kings 19:33

34и защищу град сей, еже спасти его Мене ради и Давида ради раба Моего.Select 2 Kings 19:34

35И бысть в нощь ону, и сниде Ангел Господнь и уби от полка Ассирийскаго сто осмьдесят и пять тысящ. И восташа заутра, и се, вся трупия мертва.Select 2 Kings 19:35

36И воста, и отиде, и возвратися Сеннахирим царь Ассирийский, и вселися в Ниневию.Select 2 Kings 19:36

37И бысть ему кланяющуся во храме Месераха бога своего, и Адрамелех и Сарасар сынове его убиста его мечем: сами же бежаста в землю Араратску. И воцарися Асордан сын его вместо его.Select 2 Kings 19:37