212 Kings 21

1Сын дванадесяти лет Манассиа, егда нача царствовати, и пятьдесят пять лет царствова во Иерусалиме. Имя матере его Офовиа.Select 2 Kings 21:1

2И сотвори лукавое пред очима Господнима, и хождаше вслед мерзостей языков, ихже отрину Господь от лица сынов Израилевых:Select 2 Kings 21:2

3и обратися, и созда высокая, иже разори отец его Езекиа, и воздвиже жертвенник Ваалу, и сотвори дубравы, яже сотвори Ахаав царь Израилев, и поклонися всей силе небесней и поработа им:Select 2 Kings 21:3

4и созда олтарь в дому Господни, якоже рече Господь: во Иерусалиме положу имя Мое.Select 2 Kings 21:4

5И сотвори олтарь всей силе небесней на дву двору дому Господня:Select 2 Kings 21:5

6и провождаше сыны своя чрез огнь, и вражаше, и волшвения творяше, и сотвори капища, и волшебницы умножи творити лукавое пред очима Господнима, еже прогневати Его:Select 2 Kings 21:6

7и постави изваяное Дубравы в храме, о немже рече Господь к Давиду и к Соломону сыну его: в храме сем и во Иерусалиме, егоже избрах от всех колен Израилевых, и положу ту имя Мое на веки,Select 2 Kings 21:7

8и не приложу подвигнутися нозе Израилеве от земли, юже дах отцем их, аще тии соблюдут вся елика заповедах, по всей заповеди, юже заповеда им раб Мой Моисей.Select 2 Kings 21:8

9И не послушаша, и прельсти их Манассиа, еже сотворити лукавое пред очима Господнима паче язык, яже истреби Господь от лица сынов Израилевых.Select 2 Kings 21:9

10И глагола Господь рукою рабов Своих пророков, глаголя:Select 2 Kings 21:10

11за сия, елика сотвори Манассиа царь Иудин мерзости сия лукавыя, паче всех яже сотвориша Аморрее, иже прежде сего быша, и введе во грех и Иуду, в кумирех своих:Select 2 Kings 21:11

12не тако: сице глаголет Господь Бог Израилев: се, Аз наведу злая на Иерусалим и на Иуду, яко всякому слышащему пошумят обоя уха его,Select 2 Kings 21:12

13и простру на Иерусалим меру Самарийскую и весы дому Ахаавля: и истреблю Иерусалима, якоже изглаждается алавастр изглаждаемый и превращается в лице свое:Select 2 Kings 21:13

14и изрину останки достояния Моего и предам их в руки врагов их, и будут в расхищение и в плен всем врагом своим:Select 2 Kings 21:14

15понеже сотвориша лукавое пред очима Моима и быша прогневляюще Мя от дне, в оньже изведох отцы их от земли Египетския, и до дне сего.Select 2 Kings 21:15

16Еще же кровь неповинную излия Манассиа многу зело, дондеже наполни Иерусалиму уста до уст, кроме грехов его, имиже во грех введе Иуду, сотворити лукавое пред очима Господнима.Select 2 Kings 21:16

17И прочая словес Манассииных, и вся елика сотвори, и грех его, имже согреши, не сия ли написана в книзе словес дний царей Иудиных?Select 2 Kings 21:17

18И успе Манассиа со отцы своими, и погребен бысть в вертограде дому своего, в вертограде Озы. И воцарися Аммон сын его вместо его:Select 2 Kings 21:18

19сын двадесяти дву лет бе Аммон, егда нача царствовати и два лета царствова во Иерусалиме. Имя же матери его Месоллам, дщи Арусова из Иетевы.Select 2 Kings 21:19

20И сотвори лукавое пред очима Господнима, якоже сотвори Манассиа отец его,Select 2 Kings 21:20

21и хождаше по всему пути, имже ходи отец его, и поработа кумиром, имже поработа отец его, и поклонися им:Select 2 Kings 21:21

22и остави Господа Бога отец своих, и не ходи путем Господним.Select 2 Kings 21:22

23И восташа отроцы Аммоновы нань и умертвиша царя в дому его.Select 2 Kings 21:23

24Людие же земли (тоя) избиша всех воставших на царя Аммона, и воцариша людие земли тоя Иосию сына его вместо его.Select 2 Kings 21:24

25И прочая словес Аммоновых, елика сотвори, не се ли, сия написана и в книзе словес дний царей Иудиных?Select 2 Kings 21:25

26И погребоша его во гробе его в вертограде Озине. И воцарися Иосиа сын его вместо его.Select 2 Kings 21:26