242 Kings 24

1Во днех его взыде Навуходоносор царь Вавилонский, и бысть ему Иоаким раб три лета, и отвратися, и отвержеся его.Select 2 Kings 24:1

2И посла Господь ему единопоясники Халдейския и единопоясники Сирийския, поясники сынов Аммоних, и посла их в землю Иудову на побеждение по словеси Господню, еже глагола рукою рабов Своих пророков.Select 2 Kings 24:2

3Обаче прииде по гневу Господню на Иуду, еже отставити его от лица Своего грех ради Манассииных, по всем елика сотвори,Select 2 Kings 24:3

4и кровь неповинную пролия, и наполни Иерусалим крове неповинныя, сего ради не восхоте Господь умилостивитися.Select 2 Kings 24:4

5И прочая словес Иоакимовых, и вся елика сотвори, не се ли, сия написана в книзе словес дний царей Иудиных?Select 2 Kings 24:5

6И успе Иоаким со отцы своими, и воцарися Иехониа вместо его.Select 2 Kings 24:6

7И не приложи ксему царь Египетский изыти из земли своея, яко взя царь Вавилонский от потока Египетска даже до реки Евфрата, вся елика быша царя Египетска.Select 2 Kings 24:7

8Сын осминадесяти лет Иехониа, егда нача царствовати, и три месяцы царствова во Иерусалиме. Имя же матере его Несфа, дщи Еланасфана, от Иерусалима.Select 2 Kings 24:8

9И сотвори лукавое пред очима Господнима, по всему елико сотвори отец его.Select 2 Kings 24:9

10И в время то взыде Навуходоносор царь Вавилонскими на Иерусалим, и бысть град во облежении.Select 2 Kings 24:10

11И прииде Навуходоносор царь Вавилонский на град Иерусалим, и отроцы его около обседяху град.Select 2 Kings 24:11

12И изыде Иехониа царь Иудин ко царю Вавилонскому, сам и отроцы его, и мати его, и князи его, и скопцы его, и взя его царь Вавилонский в осмое лето царства своего.Select 2 Kings 24:12

13И изнесе вся сокровища оттуду сущая во храме Господни и сокровища дому царева, и сокруши вся сосуды златыя, яже сотвори Соломон царь Израилев во храме по глаголу Господню,Select 2 Kings 24:13

14и пресели Иерусалимляны и вся князи, и сильныя крепостию, плена десять тысящ пленив, и всякаго древоделя, и художники: и никтоже остася, токмо убозии земли тоя:Select 2 Kings 24:14

15и преведе Иехонию в Вавилон, и матерь цареву, и жены царевы, и скопцы его, и крепкия земли тоя введе на преселение из Иерусалима в Вавилон:Select 2 Kings 24:15

16и вся мужы силы, седмь тысящ, и древодель и художников тысящу, вси сильнии творящии брань, и введе их царь Вавилонский в преселение в Вавилон.Select 2 Kings 24:16

17И постави царем Вавилонский царь Ватфанию сына его и вместо его, и преложи имя ему Седекиа.Select 2 Kings 24:17

18Сын двадесяти и единаго лета Седекиа, внегда нача царствовати, и единонадесять лет царствова во Иерусалиме. Имя же матере его Амитала, дщи Иеремиина, от Ловны.Select 2 Kings 24:18

19И сотвори лукавое пред очима Господнима, по всему елика сотвори Иоаким,Select 2 Kings 24:19

20яко ярость бе Господня на Иерусалиме и на Иуде, дондеже отверже я от лица Своего. И отвержеся Седекиа царя Вавилонска.Select 2 Kings 24:20