252 Kings 25

1И бысть в лето девятое царства его, в месяц десятый, прииде Навуходоносор царь Вавилонский и вся сила его на Иерусалим: и обступи его отвсюду, и создаша окрест его бойницы.Select 2 Kings 25:1

2И бысть град во облежении до первагонадесять лета царства Седекиина, девятаго дне месяца:Select 2 Kings 25:2

3и превозможе во граде глад, и не бысть хлеба людем земли тоя:Select 2 Kings 25:3

4и разседеся град, и вси мужие воинстии изыдоша нощию путем врат, яже посреде стен, яже суть у вертограда царева, и Халдее окрест града (беша). И побеже (царь Седекиа) путем пустынным:Select 2 Kings 25:4

5и погна сила Халдейская вслед царя, и яша его во Аравофе Иерихонстем, и вся сила его разсыпася от него:Select 2 Kings 25:5

6и пояша царя и поведоша его к царю Вавилонску в Ревлафу: и глагола с ним суд:Select 2 Kings 25:6

7и сыны Седекиины закла пред очима его, и очи Седекиины избоде, и связа его узами, и отведе его во Вавилон.Select 2 Kings 25:7

8В месяц же пятый, в седмый день месяца, сие лето девятоенадесять Навуходоносора царя Вавилонска, прииде Навузардан архимагир, раб царя Вавилонскаго, во ИерусалимSelect 2 Kings 25:8

9и зажже храм Господень и дом царев, и вся домы Иерусалимли и вся домы великия сожже архимагир:Select 2 Kings 25:9

10и стены Иерусалимли окрест раскопа сила Халдейская.Select 2 Kings 25:10

11И останок людий избывших во граде и впадших, иже отпадоша ко царю Вавилонску, и прочее и утверждение пренесе Навузардан воевода.Select 2 Kings 25:11

12И от нищих земли тоя остави архимагир винограды блюсти и вертограды.Select 2 Kings 25:12

13И столпы медяны в храме Господни, и подставы, и море медное сущее во храме Господни сокрушиша Халдее, и взяша медь их во Вавилон:Select 2 Kings 25:13

14и конобы, и котлы и фиалы, и кадилницы, и вся сосуды медяныя, в нихже служаху, взяша:Select 2 Kings 25:14

15и кадилницы, и фиалы златыя и сребряныя взя архимагир,Select 2 Kings 25:15

16столпы два, и моря едино, и подставы, яже сотвори Соломон храму Господню: не бе веса меди всех сосудов.Select 2 Kings 25:16

17Осминадесяти лакот бысть высота столпа единаго, и глава медяна на нем: и высота главе три лакти, и на главе мрежи и шипки окрест, вся медяна: по сему же и столп вторый со мрежею.Select 2 Kings 25:17

18И поят архимагир Сареа жерца перваго и Софонию жерца втораго, и три стражы вратныя:Select 2 Kings 25:18

19и от града взя скопца единаго, иже бе приставник над мужи военными, и пять мужей предстоящих пред лицем царевым, обретшихся во граде, и книгочиа князя силы, иже строяше люди земли тоя, и шестьдесят мужей людий земли тоя обретшихся во граде:Select 2 Kings 25:19

20и поят я Навузардан архимагир, и приведе я к царю Вавилонскому в Ревлафу.Select 2 Kings 25:20

21И порази их царь Вавилонский, и умори я в Ревлафе, в земли Емафове. И преселися Иуда свыше земли своея.Select 2 Kings 25:21

22И людие оставшиися в земли Иудове, ихже остави Навуходоносор царь Вавилонский, и постави над ними Годолию, сына Ахикамля, сына Сафаня.Select 2 Kings 25:22

23И услышаша вси князи силы сами и мужие их, яко постави царь Вавилонский Годолию, и приидоша к Годолии в Массифу, и Исмаил сын Нафаниин, и Иоанан сын Карифов, и Сараиа сын Фанамафов Нетофафитский, и Иезониа сын Махаффов, сами и мужие их (приидоша).Select 2 Kings 25:23

24И клятся им Годолиа и мужем их и рече им: не бойтеся пришествия Халдеев: седите на земли и работайте царю Вавилонскому, и добро будет вам.Select 2 Kings 25:24

25И бысть в месяц седмый, прииде Исмаил сын Нафаниин сына Елисамля от семене царска, и десять мужей с ним, и порази Годолию, и умре, и Иудеев и Халдеев, иже с ним бяху в Массифе.Select 2 Kings 25:25

26И восташа вси людие, от мала и до велика, и князи сил, и внидоша во Египет, яко убояшася от лица Халдейска.Select 2 Kings 25:26

27И бысть в лето тридесять седмое преселения Иоахина царя Иудина, в дванадесятый месяц, в двадесять седмый день месяца, вознесе Евилмародах царь Вавилонский, в лето царства своего, главу Иоахина царя Иудина, и изведе его из дому темницы его,Select 2 Kings 25:27

28и глагола с ним благая, и даде престол ему свыше престолов царей, иже бяху с ним в Вавилоне:Select 2 Kings 25:28

29и измени ризы его темничныя, и ядяше хлеб с ним всегда, во вся дни живота своего.Select 2 Kings 25:29

30И пища его от дому царска давана бяше, и все изобилие во дни его, во вся дни живота его.Select 2 Kings 25:30