32 Peter 3

1Сие уже, возлюбленнии, второе вам пишу послание, в нихже возбуждаю воспоминанием ваш чистый смысл,Select 2 Peter 3:1

2помянути прежде реченныя глаголы от святых пророк, и Апостол ваших заповедь Господа и Спаса:Select 2 Peter 3:2

3сие прежде ведяще, яко приидут в последния дни ругателе, по своих похотех ходящеSelect 2 Peter 3:3

4и глаголюще: где есть обетование пришествия Его, отнележе бо отцы успоша, вся тако пребывают от начала создания.Select 2 Peter 3:4

5Таится бо им сие хотящым, яко небеса беша исперва, и земля от воды и водою составлена, Божиим словом:Select 2 Peter 3:5

6темже тогдашнии мир, водою потоплен быв, погибе.Select 2 Peter 3:6

7А нынешняя небеса и земля темже Словом сокровена суть, огню блюдома на день суда и погибели нечестивых человек.Select 2 Peter 3:7

8Едино же сие да не утаится вас, возлюбленнии, яко един день пред Господем яко тысяща лет, и тысяща лет яко день един.Select 2 Peter 3:8

9Не коснит Господь обетования, якоже нецыи коснение мнят: но долготерпит на нас, не хотя да кто погибнет, но да вси в покаяние приидут.Select 2 Peter 3:9

10Приидет же день Господень яко тать в нощи, в оньже небеса убо с шумом мимо идут, стихии же сжигаемы разорятся, земля же и яже на ней дела сгорят.Select 2 Peter 3:10

11Сим убо всем разоряемым, кацем подобает быти вам во святых пребываниих и благочестиих,Select 2 Peter 3:11

12чающым и скорее быти желающым пришествия Божияго дне, егоже ради небеса жегома разорятся, и стихии опаляемы растаются?Select 2 Peter 3:12

13Нова же небесе и новы земли по обетованию Его чаем, в нихже правда живет.Select 2 Peter 3:13

14Темже, возлюбленнии, сих чающе, потщитеся нескверни и непорочни Тому обрестися в мире,Select 2 Peter 3:14

15и Господа нашего долготерпение спасение непщуите, якоже и возлюбленный наш брат Павел по данней ему премудрости написа вам,Select 2 Peter 3:15

16якоже и во всех своих посланиих, глаголя в них о сих: в нихже суть неудобь разумна некая, яже ненаучени и неутверждени развращают, якоже и прочая Писания, к своей погибели им.Select 2 Peter 3:16

17Вы же убо, возлюбленнии, предведяще хранитеся, да не лестию беззаконных сведени бывше, отпадете своего утверждения.Select 2 Peter 3:17

18Но да растете во благодати и разуме Господа нашего и Спаса Иисуса Христа. Тому слава и ныне и в день века. Аминь.Select 2 Peter 3:18